Ҳоким Холиқзода бо Вазири меҳнат ва таъминоти иҷтимоии Ҷумҳурии Туркия Ведат Ишикхан мулоқот намуд
ДУШАНБЕ, 23.09.2025 /АМИТ «Ховар»/. Имрӯз муовини якуми Сарвазири Ҷумҳурии Тоҷикистон Ҳоким Холиқзода бо Вазири меҳнат ва таъминоти иҷтимоии Ҷумҳурии Туркия Ведат Ишикхан мулоқот намуд, хабар медиҳад АМИТ «Ховар».
Зимни мулоқот иброз гардид, ки ҷониби Тоҷикистон аз сатҳу муҳтавои равобити дуҷониба бо Туркия, ки бар арзишҳои умумии тамаддунӣ, таърихӣ ва бародарӣ, ҳамдигарфаҳмӣ ва эҳтироми манфиатҳои муштарак асос ёфтаанд, изҳори қаноатмандӣ менамояд.
Зарурати густариш ва таҳкими ҳамкорӣ дар самтҳои сиёсӣ, иқтисодӣ, иҷтимоӣ, фарҳангӣ ва инчунин рушди шарикии дарозмуддат таъкид гардид.
Муовини якуми Сарвазири мамлакат зарурати баргузории ҷаласаи нахустини Шурои ҳамкорӣ байни Тоҷикистону Туркияро таъкид карда, Шуроро воситаи муассир барои баррасии масъалаҳои муҳими ҳамкории гуногунҷанба арзёбӣ намуд.
Дар мулоқот ҳамчунин масъалаҳои тавсеаи ҳамкорӣ дар соҳаҳои иқтисод, тиҷорат, сармоягузорӣ, энергетика, нақлиёт, саноат, сайёҳӣ, маориф, илм ва фарҳанг баррасӣ карда шуданд.
Таъкид гардид, ки Тоҷикистон то ба 1 миллиард доллари ИМА расонидани гардиши мол ҳавасманд буда, ба роҳ мондани ҳамкориро дар бахшҳои афзалиятнок, аз ҷумла нассоҷӣ, коркарди алюминий ва таъсиси корхонаҳои муштарак муҳим мешуморад.
Ҷонибҳо баргузории ҷаласаи навбатии Комиссияи муштараки байниҳукуматии Тоҷикистону Туркия оид ба ҳамкории иқтисодиро дар моҳи октябри соли 2025 дар шаҳри Душанбе муҳим арзёбӣ намуданд.
Муовини якуми Сарвазири Тоҷикистон аз ҳамкории фаъоли Агентии туркӣ оид ба ҳамкории байналмилалӣ (ТИКА) дар татбиқи лиоҳаҳои иҷтимоию иқтисодӣ дар мамлакат изҳори қаноатмандӣ намуда, зарурати идомаи чунин иқдомро таъкид кард.
Ҳамзамон ҷонибҳо вобаста ба густариши ҳамкорӣ дар соҳаҳои сайёҳӣ, мубодилаи фарҳангӣ, табодули донишҷӯён ва омӯзгорон, инчунин дигар масъалаҳои мавриди таваҷҷуҳ табодули афкор намуданд.
Дар анҷом тамосҳои мунтазами сатҳҳои гуногуни ду давлат барои рушди равобити дуҷониба зарур шуморида шуданд.
АКС: АМИТ «Ховар»
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
Соҳибкорон аз Чин бо фаъолияти корхонаҳои Минтақаи озоди иқтисодии «Суғд» шинос шуданд
