Таҳти раёсати намояндаи Тоҷикистон ҷаласаи дуюми Шурои иҷроияи ЮНИСЕФ дар соли 2025 оғоз ёфт
ДУШАНБЕ, 04.09.2025 /АМИТ «Ховар»/. Дар шаҳри Ню-Йорк таҳти раёсати Намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат ба ҳайси Президенти Шурои иҷроияи Хазинаи кӯдакони Созмони Милали Муттаҳид (ЮНИСЕФ) ҷаласаи дуюми маъмулии Шурои иҷроияи ЮНИСЕФ оғоз ёфт.
Тавре ба АМИТ «Ховар» аз Намояндагии доимии Ҷумҳурии Тоҷикистон дар Созмони Милали Муттаҳид хабар доданд, Шурои иҷроия зимни ҷаласаи чаҳоррӯза 16 банди рӯзнома, аз ҷумла панҷ лоиҳаи қарорро баррасӣ хоҳад кард. Нақшаи стратегии ЮНИСЕФ ва буҷаи ҳамгирошуда барои солҳои 2026-2029 мавзуъҳои асосии баррасишавандаро ташкил медиҳанд. Санадҳои мазкур роҳнамои асосии фаъолияти созмон дар чор соли оянда мебошанд.
Зимни ҷаласа ҳамчунин ҳуҷҷатҳои нав ва тавсеаёфтаи барномавии кишварӣ, муколамаи сохтории маблағгузорӣ, иқдоми башардӯстонаи ЮНИСЕФ ва талошҳои марбут ба мубориза бо нажодпарастӣ ва табъизи нажодӣ баррасӣ мешаванд.
Шурои иҷроия 5 сентябр бо муҳокимаи сессияи мавзуии махсус оид ба таъмини об ва беҳдошт барои ҳар кӯдак, муаррифии гузориши боздиди Шурои иҷроия ва қабули қарорҳо ба анҷом мерасад.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Сафири Тоҷикистон дар Фаронса бо дабири кулли Бюрои байналмилалии намоишгоҳҳо мулоқот намуд
Намояндаи доимии Тоҷикистон бо Мудири кулли Созмони байналмилалии муҳоҷират мулоқот намуд
Ҳамкорӣ байни муассисаҳои таҳсилоти олии Тоҷикистон ва Донишгоҳи Мустақбал баррасӣ шуд
Намояндагони Сафорати Тоҷикистон бо роҳбарияти Донишгоҳи давлатии идоракунии Русия мулоқот анҷом доданд
Дар Анқара аҳамияти афзоиши гардиши мол ва ҷалби сармоя байни Тоҷикистон ва Туркия баррасӣ гардид
Намояндаи Тоҷикистон дар ҷаласаи 88-уми Кумитаи нақлиёти дохилии Комиссияи иқтисодии СММ барои Аврупо иштирок намуд
Таҳкими шарикӣ байни бахшҳои хусусии Тоҷикистон ва минтақаи Қасими Арабистони Саудӣ баррасӣ шуд
Тоҷикистон ва Австрия нақшаи ҳамкориро барои соли 2026 мавриди баррасӣ қарор доданд
Ҳамкорӣ байни Тоҷикистон ва ЮНИСЕФ дар доираи барномаҳои афзалиятнок баррасӣ гардид
Сафири Тоҷикистон бо директори генералии Созмони умумиҷаҳонии савдо мулоқот намуд
Дар Вена ҳамкории иқтисодии Тоҷикистон бо сохторҳои марбутаи Австрия баррасӣ шуд
Сироҷиддин Муҳриддин бо сафири навтаъйини Италия дар Тоҷикистон мулоқот намуд
