Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
ДУШАНБЕ, 09.10.2025. /АМИТ «Ховар»/. Тибқи маълумоти Хадамоти гумруки назди Ҳукумати Ҷумҳурии Тоҷикистон, аз моҳи январ то июли соли 2025 аз Ҷумҳурии Тоҷикистон ба Федератсияи Русия 29,5 ҳазор тонна маҳсулоти кишоварзӣ содирот карда шудааст.
Маҳсулоти содиротшуда нисбат ба ҳамин давраи соли 2024 18,0 ҳазор тонна ё аз ҷиҳати ҳаҷм 2,6 баробар ва арзиши гумрукӣ 8,5 миллион доллар ё 73 фоиз зиёд мебошад.
Аз Тоҷикистон ба Русия асосан сабзавоти тару тоза, мева, меваи хушк, ангур, асал, чормағз ва дигар маҳсулоти кишоварзӣ содирот карда мешавад.
Содироти маҳсулоти кишоварзӣ, аз ҷумла сабзавот 14,6 тонна (аз ҷумла 13,6 тонна пиёз), меваҷот 8,3 ҳазор тонна (аз ҷумла 642 тонна ангур), меваи хушк 6,2 ҳазор тонна ва чормағз 229 тоннаро ташкил медиҳад.
Нисбат ба ҳамин давраи соли 2024 содироти сабзавот 13,3 ҳазор тонна ё 11,9 баробар (аз ҷумла пиёз — 12,6 ҳазор тонна ё 13 баробар), мева — 3,4 ҳазор тонна ё 70 фоиз (аз ҷумла ангур — 642 тонна ё 100 фоиз), меваи хушк — 642 тонна ё 100 фоиз ва чормағз — 165 тонна ё 3,6 баробар зиёд аст.
Ҷумҳурии Тоҷикистон яке аз давлатҳое мебошад, ки ҳамчун содироткунандаи хушкмева дар Осиёи Марказӣ ва берун аз он шинохта шудааст.
Хушкмева аз витаминҳои А, В1, В2, В3, В5, В6 ва минералҳо, ба монанди оҳан, калтсий, магний, фосфор, калий ва натрий бой мебошад. Хушкмева хусусияти хуб дорад ва онро метавон ба муддати дароз дар шароити хона нигоҳ дошт.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
Масоили коркарди дубора ва ивази мавод барои кам кардани хатари партовҳои пластикӣ баррасӣ гардид
Вазорати нақлиёти Тоҷикистон оид ба андозаи нави ҷаримаҳо барои вайрон кардани қоидаҳои ҳаракат дар роҳ маълумот медиҳад
Дурнамои ҳамкории иқтисодию тиҷоратии Тоҷикистон ва Эрон муҳокима гардид
Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
