Cафири Тоҷикистон бо Директори Дафтари робитавии Созмони озуқаворӣ ва кишоварзӣ мулоқот намуд

ДУШАНБЕ, 04.10.2025 /АМИТ «Ховар»/. 3 октябр Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, Намояндаи доимии Ҷумҳурии Тоҷикистон дар назди шуъбаи Созмони Милали Муттаҳид ва дигар ташкилоти байналмилалӣ дар Женева Шараф Шерализода бо Директори Дафтари робитавии Созмони озуқаворӣ ва кишоварзӣ (FAO) дар Женева Доминик Бурҷон мулоқот намуд.
Тавре ба АМИТ «Ховар» аз Сафорати Ҷумҳурии Тоҷикистон дар Конфедератсияи Швейтсария хабар доданд, зимни вохӯрӣ ҷонибҳо оид ба таҳким ва рушди ҳамкории дуҷониба байни Ҷумҳурии Тоҷикистон ва Созмони озуқаворӣ ва кишоварзӣ, аз ҷумла дар соҳаҳои кишоварзӣ, амнияти озуқаворӣ ва татбиқи ҳадафҳои рушди устувор табодули афкор намуданд.
АКС: Сафорати Ҷумҳурии Тоҷикистон дар Конфедератсияи Швейтсария