Дар Кӯлоб таҳти унвони «Либоси миллӣ — оинаи тамаддун ва ҳуввияти миллӣ» фестивал доир шуд
ДУШАНБЕ, 30.10.2025 /АМИТ «Ховар»/. Имрӯз дар шаҳри Кӯлоб бо иштироки беш аз 25 ҳазор занону духтарон таҳти унвони «Либоси миллӣ — нишони тамаддун ва фарҳанги миллӣ» фестивали вилоятӣ баргузор шуд, хабар медиҳад АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон.
Фестивал бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии вилояти Хатлон ва шаҳри Кӯлоб баргузор шуд. Дар он беш аз 25 ҳазор занону духтарони шаҳру ноҳияҳои вилояти Хатлон бо либосҳои миллӣ — чакан, атласу адрас роҳпаймоӣ намуданд.
Ҳамоиш бо мақсади ташвиқ ва эҳёи либосҳои миллӣ, арҷгузорӣ ба фарҳанги тоҷикии либоспӯшӣ, ҳамчунин пешгирӣ аз паҳншавии унсурҳои бегона доир карда шуд.
Иброз шуд, ки сиёсати фарҳангпарваронаи Пешвои миллат муҳтарам Эмомалӣ Раҳмон дар самти эҳё ва тарғиби арзишҳои миллӣ, аз ҷумла фарҳанги либоспӯшии тоҷикона, имрӯз ба як ҷараёни умумимиллӣ табдил ёфтааст.
Либоси миллӣ ифтихори ҳар фарди тоҷик буда, маҳз тавассути он метавон насли ҷавонро ба зебопарастӣ, худшиносӣ ва эҳтиром ба фарҳанги гузаштагон тарбия намуд.
«Ҳамоиш яке аз тадбирҳои гиромидошти арзишҳои асили фарҳангӣ арзёбӣ мегардад, ки ба тарғибу ташвиқи либоси миллӣ, баланд бардоштани нақши сӯзанидӯзиву гулдӯзӣ дар матоъҳои миллӣ, намоиш додани ҳунари волои тарроҳону чакандӯзон, сӯзанидӯзону чеварон ва ҳунармандони ватанӣ нигаронида шудааст», – гуфта шуд дар ҳамоиш.
Таъкид гардид, ки баргузор намудани чунин ҳамоишҳо шаҳодати равшани он аст, ки имрӯз дар ҷомеа эҳсоси худшиносиву ватандӯстӣ, арҷгузорӣ ба фарҳанг ва мероси миллӣ рӯ ба болоравӣ дорад. Занону духтарони тоҷик бо ифтихор либоси миллии худро ба бар карда, онро на танҳо ҳамчун ҷузъи зебоии зоҳирӣ, балки рамзи асолат ва маънавияти миллӣ муаррифӣ мекунанд.
Иттилоъ дода шуд, ки инчунин дар фестивал ҳунармандони шаҳру ноҳияҳои вилоят намунаҳои беҳтарини ҳунари худро ба намоиш гузоштанд.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Намояндаи Тоҷикистон дар Анқара дастовардҳои китобдорӣ ва рақамикунонии Тоҷикистонро муаррифӣ намуд
«ТОҶИКИСТОН». Таҳти чунин унвон дар Ҷумҳурии Арабии Миср маҷалла бо забони арабӣ нашр гардид
Китоби «Забони миллат – ҳастии миллат» бо 7 забон тарҷума ва нашр гардид
Дар шаҳри Дюсселдорф барномаи фарҳангии тоҷикон баргузор гардид
Дар Донишкадаи санъати театрии Русия намоиши театрии «Ҷавонии Мушфиқӣ» баргузор шуд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг баргузор мегардад
Дар Китобхонаи миллии Тоҷикистон оид ба нақши оила дар камолоти маънавии фарзанд ҳамоиш доир шуд
Ба беш аз 13 ҳазор оилаи ноҳияи Муъминобод «Шоҳнома»-и безавол тақдим мегардад
Оид ба фаъолият ва рӯзгори сиккашиноси маъруфи тоҷик конфронси байналмилалӣ доир шуд
Дилрабо Мансурӣ бо ҷараёни баргузории рӯзи якуми даври ниҳоии озмуни «Фурӯғи субҳи доноӣ китоб аст» шинос шуд
Китоби сеюми ««Народная газета» о Народном Президенте» нашр гардид
Дар Федератсияи Русия бахшида ба бузургдошти Аҳмади Дониш конфронси байналмилалӣ доир шуд
