Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
ДУШАНБЕ, 21.10.2025 /АМИТ «Ховар»/. Дар Женева ҷаласаи ғайринавбатии Конгресси ҷаҳонии обуҳавошиносӣ оғоз гардид, ки ҳадафи он тавсеаи татбиқи ташаббуси ҷаҳонии «Огоҳкуниҳои бармаҳал барои ҳама» мебошад, иттилоъ медиҳад АМИТ «Ховар» бо истинод ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон.
Дар ҷаласаи ғайринавбатии Конгресси умумиҷаҳонии обуҳавошиносӣ дар радифи намояндагони 193 давлати аъзо Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода иштирок дорад.
Ҳадафи ҷаласа тавсеаи татбиқи ташаббуси ҷаҳонии «Огоҳкуниҳои бармаҳал барои ҳама» мебошад. Ин ташаббусро соли 2022 Дабири кулли Созмони Милали Муттаҳид Антониу Гутерриш пешниҳод карда буд. Мақсади асосии ташаббус то охири соли 2027 пурра фаро гирифтани ҷаҳон бо огоҳкунии бармаҳал аст.
Ҷаласаи чаҳоррӯзаи ғайринавбатии Конгресси ҷаҳонии обуҳавошиносӣ, ки ҳамзамон ба 75-солагии таъсиси Созмони ҷаҳонии обуҳавошиносӣ бахшида шудааст, 20 октябр дар сатҳи баланд ифтитоҳ ёфт. Дар он нақши муҳим ва фаврияти рисолати Созмони ҷаҳонии обуҳавошиносӣ дар ҳалли масъалаҳои вобаста ба обу ҳаво, иқлим ва захираҳои обӣ таъкид гардид.
Дабири кулли Созмони ҷаҳонии обуҳавошиносӣ хонум Селеста Саулобо дар самти татбиқи ташаббуси «Огоҳкуниҳои бармаҳал барои ҳама» сухан гуфта, гузориши нави Созмонро оид ба дастовардҳо дар соҳаи мониторинг ва пешгӯии зуҳуроти хавфнок пешниҳод намуд.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Дар Конфронси ФАО дар Душанбе тағйирёбии иқлим, аз байн рафтани гуногунии биологӣ ва вайроншавии замин баррасӣ шуд
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
Жанна Исина: «Баргузории конфронси сатҳи баланд дар Душанбе мавқеи байналмилалии Тоҷикистонро тақвият медиҳад»
Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
Беш аз 8 миллиард доллар сармоягузорӣ: натиҷаҳои мулоқоти Пешвои миллат Эмомалӣ Раҳмон бо роҳбарони ширкатҳои Чин дар Пекин
Дар Душанбе модели ҳамкории минтақавӣ ва табодули дониш баррасӣ гардид
Тсюй Дунъюй ба муборизаи муштарак бо таҳдидҳои иқлимию иқтисодӣ даъват намуд
Агаси Арутюнян: «Конфронси 35-уми минтақавии ФАО барои муаррифии дастовардҳои Тоҷикистон ва иқтидори кишоварзии он имконияти васеъ фароҳам меорад»
Байни ширкатҳои Тоҷикистону Чин 28 санади ҳамкорӣ ба маблағи умумии 647 миллион доллари амрикоӣ ба имзо расид
Дар Душанбе Конфронси 35-уми минтақавии Созмони озуқаворӣ ва кишоварзии СММ ифтитоҳ гардид
