Дар Тоҷикистон ҷарроҳии мураккаби мағзи сар гузаронида шуд
ДУШАНБЕ, 16.10.2025. /АМИТ «Ховар»/. Дар Маҷмааи тандурустии «Истиқлол» аз ҷониби табибони тоҷик нахустин маротиба ҷарроҳии гирифтани омоси чуқур ҷойгиршудаи қисми мобайнии мағзи сар гузаронида шуд.
Тавре ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд, дар сари бемор амалиёти ҷарроҳии мураккаби мағзи сар бо истифода аз дастгоҳу таҷҳизоти муосир (аз ҷумла микроскопи муосири ҷарроҳӣ) гузаронида шуд.
Ба иттилои ҷарроҳон, дар ин ҷарроҳӣ омос бо истифода аз тасвиргирии дохилиҷарроҳӣ (УЗИ) муайян карда шуд. Амалиёти ҷарроҳӣ бо истифода аз микроскопи муосир, ки иқтидори тағйир додани кунҷҳои биноиш, дақиқият ва дигар параметрҳоро дорад, гузаронида шуд.
Дар айни замон вазъи саломатии бемор хуб буда, шикоятҳое, ки то гузаронидани ҷарроҳӣ ҷой доштанд, пурра бартараф карда шуданд. Тибқи ташхиси такрорӣ, дар майнаи сар боқимондаҳои омоси мағзи сар дида намешаванд.
Ёдовар мешавем, ки солҳои охир дар самти табобати бемориҳо аз ҷониби табибон якчанд ҷарроҳиҳои мураккаб гузаронида шуданд. Инҳо ҷарроҳии рагҳои хунгард, эндоҷарроҳӣ, осебшиносӣ ва ортопедия, кардиология, офталмология, нейроҷарроҳӣ, колопроктология, соҳаи пайвандсозии узв ва бофтаҳои инсон ва ғайра мебошанд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар Тоҷикистон ҳавои рӯзи аввали моҳи март бебориш пешгӯӣ мешавад
ДИЛ БА ДАСТ ОВАР, КИ ҲАҶҶИ АКБАР АСТ! Анҷом додани амалҳои дорои садақаи ҷория савоби бамаротиб бештар дорад
«САҲМИ ЗАНОН ДАР РУШДИ ИЛМ». Дар Душанбе конференсияи байналмилалии илмӣ-амалӣ баргузор шуд
Касбомӯзӣ метавонад яке аз роҳҳои муассири пешгирии гаравиши наврасону ҷавонон ба гурӯҳҳои ифротгаро бошад
Табибони тоҷик боз як усули нави ҷарроҳиро амалӣ намуданд
Маърузаи навбатии Ваколатдор оид ба ҳуқуқи инсон ба Президенти Тоҷикистон пешниҳод гардид
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
