Дар вилояти Суғд масъалаи насби панелҳои офтобӣ баррасӣ гардид
ДУШАНБЕ, 14.10.2025. /АМИТ «Ховар»/. Масъалаи насби панелҳои офтобӣ ва рушди истеҳсоли энергияи «сабз» дар вохӯрии намоядагони вилояти Суғди Ҷумҳурии Тоҷикистон бо Иттиҳоди Аврупо дар Осиёи Марказӣ мавриди баррасӣ қарор гирифт.
Тавре аз хадамоти матбуоти Раиси вилояти Суғд иттилоъ доданд, дар вохӯрӣ оид ба татбиқи лоиҳаҳо, таҷдиду навсозии пойгоҳҳои обкашӣ ва соҳаи энергетика мубодилаи афкор доир шуд.
Дар Тоҷикистон аз 1 апрели соли 2024 истифодаи ҳатмии низоми барқи офтобӣ ҳангоми сохтмон ва таҷдиди биноҳо ба роҳ монда шудааст. Ин иқдом, аз ҷумла ба хонаҳои истиқоматӣ, маҷмааҳои варзишӣ, биноҳои таълимӣ, тиббӣ, фарҳангӣ ва ғайра дахл дорад.
Иброз шуд, ки татбиқи лоиҳаҳои муштарак дар самтҳои маориф, тандурустӣ, ҳифзи муҳити зист ва истифодаи оқилонаи захираҳои об то имрӯз натиҷаи хуб додааст.
Дар ҷараёни вохӯрӣ ба намояндагони Иттиҳоди Аврупо доир ба имконияту зарфияти иқтисодии вилояти Суғд, аз ҷумла дар бахшҳои кишоварзӣ ва энергетика маълумот дода шуд.
Дар вилояти Суғд бо дастгирии ташкилоти байналмилалӣ ва шарикони рушд якчанд лоиҳаҳои муҳим амалӣ гардида, тадбирҳои судманд барои рушди ҳамачонибаи иқтисоди миллӣ ва баланд бардоштани сатҳи зиндагии мардум ба роҳ монда шудаанд.
АКС: Хадамоти матбуоти Раиси вилояти Суғд
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
