Дар Женева имкониятҳо ва мавқеи Тоҷикистон оид ба устувории энергетикӣ муаррифӣ гардид

ДУШАНБЕ, 03.10.2025 /АМИТ «Ховар»/. 2 октябр дар шаҳри Женева  дар доираи  Ҳафтаи энергияи устувори Комиссияи иқтисодии Созмони Милали Муттаҳид (СММ) барои Аврупо (UNECE) чорабинии сатҳи баланд оид ба «Ҳамкорӣ дар самти энергетикаи устувор дар минтақаи Барномаи махсуси СММ барои иқтисодиёти Осиёи Марказӣ (SPECA): тақвияти устувории энергетикӣ, гузариш ба энергияи сабз ва рушди ҳамкорӣ байни минтақаҳо» баргузор шуд. Дар ин хусус ба АМИТ «Ховар» аз Сафорати Тоҷикистон дар Швейтсария хабар доданд.

Дар  чорабинӣ Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария,  Намояндаи доимии Ҷумҳурии Тоҷикистон дар назди Шуъбаи Созмони Милали Муттаҳид ва дигар созмонҳои байналмилалӣ дар Женева  Шараф Шерализода иштирок намуд.

Дар ҳамоиш имкониятҳои соҳа ва мавқеи Ҷумҳурии Тоҷикистон оид ба устувории энергетикӣ, суръат бахшидани  гузариш ба энергияи сабз, пешбурди ташаббусҳои муштараки минтақавӣ ва ҷалби сармоягузорӣ барои инфрасохтори cоҳа муаррифӣ карда шуд.

АКС: Сафорати Ҷумҳурии Тоҷикистон дар Конфедератсияи Швейтсария