Хабарнигори «Russia Today» Саргон Ҳадая: «Тоҷикон мардуми меҳмоннавоз ҳастанд»

Октябрь 9, 2025 17:20

ДУШАНБЕ, 09.10.2025. /АМИТ «Ховар»/. Душанбе чун ҳарвақта зебою назаррабо ва мафтункунанда аст. Ба ман мавзеъҳои дилрабои шаҳри Душанбе, кӯчаю хиёбонҳои тозаю озода, боғҳои сарсабзу гулпӯш, биноҳои баланди бо тарҳу услуби муосири миллӣ бунёдшуда хеле писанд омад. Чунин изҳори назар намуд хабарнигори бахши арабии «Russia Today» Саргон Ҳадая.

Саргон Ҳадая мегӯяд, ки «қаблан чандин маротиба ба Тоҷикистон омада будам, вале имкон даст надод, ки ба ҷойҳои сайёҳиву таърихии ин давлат сафар кунам. Ният дорам, ки дар оянда бо фароҳам омадани имконият бо дӯстон барои саёҳат ба инҷо биёям».

«Бо ин қадар зебоӣ Тоҷикистонро наметавон дӯст надошт. Мардуми тоҷик хеле меҳмоннавоз аст. Чизи дигаре, ки бароям хеле писанд омад, ин хӯрокҳои тоҷикӣ, махсусан оши палов, сихкабоб ва шӯрбо мебошанд. Ошпазҳои тоҷик маҳорати баланд доранд, маззаи оши палав дар Душанбе бароям фаромӯшношуданист», — гуфт хабарнигори бахши арабии «Russia Today».

Саргон Ҳадая ба роҳбарияти Ҳукумати Тоҷикистон барои омодагии ҳамаҷониба ба чорабиниҳои байналмилалӣ изҳори миннатдорӣ намуда, афзуд, ки ҷониби Тоҷикистон барои инъикоси ҳамаҷонибаи Саммити «Осиёи Марказӣ — Русия», ҷаласаи Шурои сарони кишварҳои Иттиҳоди Давлатҳои Мустақил ва ҷаласаи Шурои вазирони корҳои хориҷии Иттиҳоди Давлатҳои Мустақил дар сатҳи олӣ омодагӣ дидааст. Махсусан толори маркази матбуот, ки дар он тамоми шароит барои инъикоси ин чорабиниҳо муҳайё карда шудааст, гувоҳи ин гуфтаҳост.

Ёдовар мешавем, ки 9–10 октябри соли 2025 дар пойтахти Тоҷикистон — шаҳри Душанбе якчанд чорабинии муҳими сатҳи баланди байналмилалӣ: Саммити роҳбарони давлатҳо дар қолаби «Осиёи Марказӣ – Русия», ҷаласаи Шурои сарони кишварҳои Иттиҳоди Давлатҳои Мустақил ва ҷаласаи Шурои вазирони корҳои хориҷии давлатҳои Иттиҳоди Давлатҳои Мустақил баргузор мегарданд.

Дар ин чорабиниҳо Президенти Федератсияи Русия Владимир Путин, Президенти Озарбойҷон Илҳом Алиев, Сарвазири Арманистон Никол Пашинян, Президенти Беларус Александр Лукашенко, Президенти Қазоқистон  Қосим-Жомарт Токаев, Президенти Қирғизистон Садир Жапаров, Президенти Туркманистон Сердар Бердимуҳаммадов ва Президенти Узбекистон Шавкат Мирзиёев иштирок менамоянд.

Роҳбарони кишварҳои Иттиҳоди Давлатҳои Мустақил масъалаҳои муҳимтарини рӯзномаи байналмилалӣ, аз қабили амнияти минтақавӣ ва глобалиро баррасӣ хоҳанд кард. Таваҷҷуҳи махсус ба масъалаҳои таҳкими минбаъдаи гуфтугӯи сиёсӣ, тақвияти ҳамкории тиҷоратию иқтисодӣ ва густариши ҳамкорӣ дар самтҳои гуманитарӣ ва фарҳангӣ дар доираи Иттиҳоди Давлатҳои Мустақил дода мешавад.

Зарангези ЛАТИФ,
АМИТ
«Ховар»

АКС: АМИТ «Ховар»

Октябрь 9, 2025 17:20

Хабарҳои дигари ин бахш

Имрӯз дар Душанбе ҷаласаи Шурои вазирони корҳои хориҷии Иттиҳоди Давлатҳои Мустақил баргузор мегардад
Президенти Беларус Александр Лукашенко бо сафари корӣ ба Тоҷикистон ташриф овард
Эмомалӣ Раҳмон: «Мо ба Федератсияи Русия барои дастгирии соҳаи маорифи Тоҷикистон изҳори сипос менамоем»
Имрӯз дар шаҳри Душанбе Саммити дуюми «Осиёи Марказӣ – Русия» баргузор мегардад
Президенти Узбекистон Шавкат Мирзиёев бо сафари корӣ ба Тоҷикистон ташриф овард
Президенти Туркманистон Сердар Бердимуҳаммадов бо сафари корӣ ба Тоҷикистон ташриф овард
Президенти Қирғизистон Садир Жапаров бо сафари корӣ ба Тоҷикистон ташриф овард
Президенти Қазоқистон Қосим-Жомарт Токаев бо сафари корӣ ба Тоҷикистон ташриф овард
Саммити дуюми «Осиёи Марказӣ – Русия»-ро зиёда аз 600 нафар хабарнигорони дохилию хориҷӣ инъикос менамоянд
Президенти Озарбойҷон Илҳом Алиев бо сафари корӣ ба Тоҷикистон ташриф овард
Павел Зарубин: «Офарин ба мардуми тоҷик ва роҳбарияти Тоҷикистон, ки дар самти ободонию бунёдкорӣ тадбирҳои муҳим анҷом додаанд»
Дар Теҳрон ҳамкории фарҳангии Тоҷикистон ва Эрон баррасӣ гардид