Коршиносон самтҳои асосии рушди маблағгузории иқлимӣ дар Тоҷикистонро баррасӣ намуданд
ДУШАНБЕ, 15.10.2025 /АМИТ «Ховар»/. 14 октябр дар доираи Форуми байналмилалии сармоягузории «Душанбе Инвест-2025» дар мавзуи «Маблағгузории иқлимӣ ва бозорҳои карбон» ҷаласаи панелӣ баргузор гардид, хабар медиҳад хабарнигори АМИТ Ховар.
Ташкилкунандаи ҷаласа Вазорати молияи Ҷумҳурии Тоҷикистон мебошад. Муовини якуми Вазири молияи Ҷумҳурии Тоҷикистон Юсуф Маҷидӣ аҳамияти баён намудани иқтидори рушди устувори Тоҷикистонро таъкид кард.
Роҳбари Маркази рушди устувори Бонки рушди АвруОсиё Евгения Клочкова дар мавзуи «Маблағгузории иқлим ва бозорҳои карбон: таҷрибаи БРАО» рӯнаморо муаррифӣ намуд. Муаррифӣ ба таҷрибаи Бонки рушди АвруОсиё дар таҳияи портфели лоиҳаҳои “сабз” ва чӣ гуна омезиши абзорҳои гуногуни молиявӣ ва ғайримолиявӣ метавонад ба рушди ками карбон дар Осиёи Марказӣ мусоидат кунад, бахшида шуд.
Баъдан бо иштироки коршиносони Маркази молияи сабзи Маркази байналмилалии молиявии Остона, Бонки аврупоии таҷдид ва рушд дар Тоҷикистон ва дигар ташкилот мубоҳиса доир гардид.
Зимни музокира коршиносон самтҳои асосии рушди маблағгузории иқлим дар Тоҷикистон, аз ҷумла механизмҳои ҷалби сармоягузорӣ ба неруи устувор, мутобиқшавӣ ба тағйирёбии иқлим ва зерсохтори сабзро баррасӣ намуданд. Таваҷҷуҳи махсус ба ташаккули бозорҳои шаффоф ва муассири карбон, рушди системаҳои баҳисобгирию санҷиши партовҳо ва таъмини тақсими одилонаи фоида аз лоиҳаҳои иқлим равона карда шуд.
Дар ҷамъбасти ҷаласа барориши аввалин вомбаргҳои мустақили «сабз» дар бозори озод ва кушодани дафтарчаи ордерҳо- QR-рамзҳо эълон карда шуд. Ин рамзҳо имкон медиҳанд, ки фармоиши пешакӣ барои хариди онҳо пешниҳод гардида, инчунин дар бораи лоиҳаҳое, ки маблағҳои ҷалбшуда ба онҳо равон карда мешаванд, маълумоти мухтасар дода шавад.
АКС: АМИТ «Ховар»
Дар соҳили дарёҳои шаҳри Ваҳдат корҳои соҳилмустаҳкамкунӣ ҷараён доранд
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Дар Вашингтон имкони роҳандозии парвозҳои мустақим байни Тоҷикистон ва ИМА баррасӣ гардид
Дар шаҳри Вашингтон мизи мудаввари сатҳи баланди соҳибкорӣ байни Ҷумҳурии Тоҷикистон ва Иёлоти Муттаҳидаи Амрико баргузор гардид
Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ шуд
Дар Кумитаи ҳифзи муҳити зист Рӯзи Конститутсияи Тоҷикистонро бо тантана ҷашн гирифтанд
Кишоварзони вилояти Хатлон нақшаи ҷамъоварии ҳосили пахтаро пурра иҷро намуданд
Шурои машваратии Комиссияи байнидавлатӣ оид ба рушди устувори Фонди байналмилалии наҷоти Арал баргузор гардид
Ҳаҷми маблағгузории иқлимӣ барои кишварҳои дар ҳоли рушд ҷиҳати татбиқи 22 лоиҳа тасдиқ гардид
Дар Суғд ба 60 нафар занони ҳунарманд гранти Раиси вилоят супорида шуд
Тоҷикистон ва Қатар роҳҳои густариши ҳамкорӣ дар соҳаи авиатсияи гражданиро баррасӣ карданд
Дар Тоҷикистон тайи ду даҳсолаи охир беш аз чор миллион ҷойи кор таъсис ва барқарор гардидааст
