Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
ДУШАНБЕ, 13.10.2025 /АМИТ «Ховар»/. 13 октябр бо мақсади таҳкими минбаъдаи муносибатҳои дӯстона ва густариши ҳамкории илмӣ-таҳқиқотӣ байни Маркази тадқиқоти стратегии назди Президенти Ҷумҳурии Тоҷикистон, Гурӯҳи муассисаҳои MERI-и Ҳиндустон ва Фонди бунёди Ҳиндустон-Осиёи Марказӣ Ёддошти тафоҳуми ҳамкорӣ ба имзо расид. Дар ин хусус ба АМИТ «Ховар» аз хадамоти матбуоти Маркази тадқиқоти стратегии назди Президенти Ҷумҳурии Тоҷикистон хабар доданд.
Ёддошти ҳамкорӣ аз ҷониби директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода, ноиби президенти Гурӯҳи муассисаҳои MERI-и Ҳиндустон профессор Лалит Аггарвал ва директори Фонди бунёди Ҳиндустон-Осиёи Марказӣ профессор Рамакант Двиведи ба имзо расонида шуд.
Ин санад бо назардошти зарурати мубодилаи таҷриба, таҳкими ҳамкории муассир ва рушди минбаъдаи шарикӣ байни ҷонибҳо таҳия ва ба имзо расида, ҳамкории дуҷонибаро дар самтҳои гуногун ба танзим медарорад.
Ҷонибҳо тибқи Ёддошти ҳамкорӣ, қонунгузории миллӣ ва санадҳои оинномавии худ барои таъсиси механизми устувори ҳамкорӣ ва робитаҳои мунтазами таҳлилию коршиносӣ кӯшишҳои муштарак ба роҳ мемонанд.
Мақсади асосии Ёддошти тафоҳум — муқаррар намудани робитаҳои мустақими илмӣ ва таҳқиқотӣ байни Тарафҳо ва пешбурди ҳамкорӣ дар соҳаҳои мавриди таваҷҷуҳи тарафайн мебошад.
Зимни имзои Ёддошти тафоҳум директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода изҳор дошт, ки ин санад байни Ҷумҳурии Тоҷикистон ва Ҷумҳурии Ҳиндустон заминаи муҳими таҳкими ҳамкории илмӣ, таҳқиқотӣ ва фарҳангӣ буда, барои густариши робитаҳои мутақобили судманд байни муассисаҳои таҳқиқотии ду давлат имкони мусоид фароҳам меорад.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Иштирокдорони Фестивали дуюми ҷаҳонии «Наврӯзи ҷавонон» бо фаъолияти Агентии обуҳавошиносӣ шинос гардиданд
РУШДИ ҲУНАРҲОИ МАРДУМӢ. Сабадбофӣ барои рушди иқтисод ва сайёҳӣ имкон фароҳам меорад
200 зани ҳунарманд ва соҳибкори Тоҷикистон соҳиби гранти президентӣ мегардад
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
Ҷашни Наврӯз дар Агентии суғуртаи иҷтимоӣ ва нафақа таҷлил карда шуд
ГИЁҲҲОИ БАҲОРӢ. Истеъмоли ин растаниҳо дар бадани инсон ба сифати маводи зиддисироятӣ хизмат менамояд
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
