Қоҳир Расулзода бо Сарвазири Ҷумҳурии Бошқирдистони Федератсияи Русия Андрей Назаров мулоқот намуд

ДУШАНБЕ, 04.10.2025. /АМИТ «Ховар»/. 4 октябр Сарвазири Ҷумҳурии Тоҷикистон Қоҳир Расулзода бо Сарвазири Ҷумҳурии Бошқирдистони Федератсияи Русия Андрей Назаров, ки бо сафари корӣ ба Тоҷикистон ташриф овардааст, мулоқот намуд.
Зимни мулоқот вазъ ва дурнамои ҳамкории Тоҷикистону Бошқирдистон дар соҳаҳои гуногун, аз ҷумла энергетика, саноат, кишоварзӣ, нақлиёт, маориф ва фарҳанг мавриди баррасӣ қарор гирифт.
Таваҷҷуҳи бештар ба бунёди корхонаҳои муштараки саноатӣ зоҳир гардид.
Ҷонибҳо мулоқоту музокиротро идомаи татбиқи сиёсати созандаи сарони давлатҳо барои ба сатҳи нав баровардани ҳампаймонӣ ва шарикии стратегии Тоҷикистону Русия номиданд.
Ҳамчунин атрофи дигар мавзуъҳои мавриди таваҷҷуҳи ду ҷониб гуфтугӯи судманд анҷом дода шуд.