Рӯзи дарҳои кушоди Академияи хурди илмҳои Тоҷикистон баргузор шуд
ДУШАНБЕ, 20.10.2025 /АМИТ «Ховар»/. 19 октябр дар Академияи миллии илмҳои Тоҷикистон Рӯзи дарҳои кушоди Академияи хурди илмҳои Тоҷикистон баргузор шуд, ки дар он хонандагони муассисаҳои таълимӣ иштирок намуданд. Дар ин хусус АМИТ «Ховар» бо истинод ба Академияи миллии илмҳо хабар медиҳад.
Президенти Академияи миллии илмҳои Тоҷикистон Қобилҷон Хушвахтзода иброз намуд, ки дар даврони соҳибистиқлолӣ дар сиёсати пешгирифтаи Ҳукумати мамлакат ба наврасону ҷавонон мавқеи махсус дода мешавад. Ҳадафи баргузории Рӯзи дарҳои кушоди Академияи хурди илмҳои Тоҷикистон низ дар амал татбиқ намудани сиёсати илмии Ҳукумати мамлакат аз овони мактабхонӣ мебошад.
Асоси кор ва фаъолияти Академияи хурди илмҳоро бахшҳои ихтисосӣ, маҳфилҳои илмӣ, иттиҳодияҳои эҷодии хонандагон ва сессияҳои илмии аъзои академия ташкил медиҳанд, ки дар пояи институтҳои илмӣ-таҳқиқотии Академияи миллии илмҳои Тоҷикистон, муассисаҳои таҳсилоти олии касбӣ ва Маркази ҷумҳуриявии таҳсилоти иловагии Вазорати маориф ва илми Ҷумҳурии Тоҷикистон амал мекунанд. Ҳоло 13 бахши ихтисосии Академияи хурди илмҳо таҳти сарпарастии Раёсати Академияи миллии илмҳои Тоҷикистон фаъолият менамояд.
Дар идомаи чорабинӣ як зумра омӯзгорони хонандагон барои фаъолияти пурсамар дар тарбияи насли наврас бо Сипосномаи Академияи миллии илмҳои Тоҷикистон қадршиносӣ гардиданд. Ҳамзамон як зумра хонандагони муассисаҳои таълимии шаҳри Душанбе соҳиби шаҳодатномаи узви вобастаи Академияи миллии илмҳои Тоҷикистон шуданд.
Ҳадафи асосии баргузории Рӯзи дарҳои кушоди Академияи хурди илмҳои Тоҷикистон ҷалбу бедор намудан ва бохабар шудан аз корҳои илмӣ, дарёфти ҳуқуқи муаллифӣ, шаҳодатнома ва патент аз ҳисоби ихтироъкорӣ, навоварӣ ва дар сатҳи баланд омода намудани корҳои илмии хонандагони Академияи хурд мебошад.
АКС: Академияи миллии илмҳои Тоҷикистон
Иштирокчиёни Симпозиуми байналмилалии Хутали қадим бо ҳафриёти бостоншиносӣ дар шаҳристони Ҳулбук шинос мешаванд
ИМРӮЗ — РӮЗИ ШАШМАҚОМ. Дар Суғд таҳти унвони «Ушшоқи Раҳмонӣ» фестивал–озмуни байналмилалӣ доир шуд
Имрӯз дар Бохтар Симпозиуми байналмилалии «Хутали қадим — пойгоҳи зуҳури забони тоҷикӣ-форсӣ ва тамаддуни бостонии Осиёи Марказӣ» оғоз мегардад
«Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
Имрӯз дар Душанбе ғолибони Фестивал-озмуни «Як матову сад ранг» муайян мегарданд
ЁДИ ШОИР. Дар Ҳисор ба ифтихори 115-солагии Шоири халқии Тоҷикистон Мирзо Турсунзода маҳфили адабӣ доир шуд
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Рушди соҳаи иттилоот ва алоқа дар Тоҷикистон ба рақамикунонии миллӣ равона гардидааст
Масъалаи баргузории Рӯзҳои фарҳанги Покистон дар Тоҷикистон баррасӣ карда шуд
Намояндаи САҲА оид ба озодии ВАО Ян Браату: Дастрасӣ ба иттилои расмӣ дар Ҷумҳурии Тоҷикистон дар сатҳи баланд аст
«ХУТТАЛИ ҚАДИМ…». Ба муносибати 35–солагии Истиқлоли давлатии Тоҷикистон маҷмуаи илмӣ аз чоп баромад
Дар ноҳияи Рӯдакӣ таҳти унвони «Тоҷикона мепӯшем!» ҳамоиши занону духтарон баргузор гардид
