Сафири Тоҷикистон бо муовини якуми вазири нафти Давлати Кувайт мулоқот намуд

ДУШАНБЕ, 07.10.2025 /АМИТ «Ховар»/. 5 октябр мулоқоти Сафири Фавқулода ва Мухтори Ҷумҳурии Тоҷикистон дар Давлати Кувайт Зубайдулло Зубайдзода бо муовини якуми вазири нафти Давлати Кувайт доктор Нимр Фаҳд Ас-Сабоҳ баргузор гардид.
Тавре ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд, зимни мулоқот ҷонибҳо масоили таҳкими ҳамкории иқтисодии дуҷониба, ба роҳ мондани ҳамкорӣ дар соҳаи нафт ва дигар мавзуъҳои мавриди эҳтимоми муштаракро баррасӣ намуданд.
АКС: Сафорати Ҷумҳурии Тоҷикистон дар Давлати Кувайт