Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
ДУШАНБЕ, 16.10.2025 /АМИТ «Ховар»/. 15 октябр дар қароргоҳи Созмони озуқаворӣ ва кишоварзии Созмони Милали Муттаҳид (FAO) дар шаҳри Рими Италия муовини Сарвазири Ҷумҳурии Тоҷикистон Сулаймон Зиёзода дар Муколамаи Рим оид ба масъалаҳои об-2025 (Rome Water Dialogue 2025) иштирок намуд, хабар медиҳад АМИТ «Ховар».
Чорабинӣ таҳти унвони «Об барои кишоварзии устувор ва амнияти озуқаворӣ: гузашта, имрӯз ва оянда» баргузор шуда, ҳадафи он тақвияти ҳамкории глобалӣ дар самти идоракунии устувори захираҳои об барои таъмини амнияти озуқаворӣ ва муқовимат ба тағйирёбии иқлим мебошад.
Зимни суханронӣ Сулаймон Зиёзода бо ёдоварӣ аз ташаббусҳои байналмилалии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар соҳаи обу иқлим таъкид намуд, ки Ҷумҳурии Тоҷикистон ба таври воқеӣ масъалаи обро яке аз самтҳои калидии сиёсати дохилӣ ва хориҷии худ мешуморад ва пешоҳанги ташаббусҳои байналмилалӣ дар соҳаи обу иқлим мебошад.
Тазаккур дода шуд, ки истифодаи оқилона ва идоракунии ҳамгирои захираҳои об омили муҳими таъмини амнияти озуқаворӣ, рушди устувор ва беҳбуди сатҳи зиндагии аҳолӣ мебошад.
Муовини Сарвазири мамлакат изҳор дошт, ки Тоҷикистон ҳамчун ташаббускори конфронсҳои байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018–2028» омода аст ба тавсеаи ҳамкории минбаъда дар сатҳи минтақавию ҷаҳонӣ саҳм гузорад.
Дар чорабинӣ намояндагони ҳукуматҳо, коршиносон ва созмонҳои байналмилалӣ аз кишварҳои гуногуни ҷаҳон иштирок намуданд. Чорабинӣ атрофи чор самти асосӣ, аз ҷумла зерсохтор ва сармоягузорӣ дар соҳаи об, илм ва инноватсияҳои обӣ, тақвияти устувории иқлим ва коҳиши хавфи офатҳои вобаста ба об баргузор шуд.
Ёдовар мешавем, ки Муколамаи Рим оид ба масъалаҳои об ҳамчун яке аз платформаҳои муҳим барои баррасии ҳалли амалии мушкилоти глобалии об дар соҳаҳои кишоварзӣ ва амнияти озуқаворӣ арзёбӣ мешавад.
АКС: АМИТ «Ховар»
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Ташаббусҳои байналмилалӣ нуфузи Тоҷикистонро қавитар мегардонанд
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
