Ҳайати Донишгоҳи байналмилалии сайёҳӣ ва соҳибкории Тоҷикистон дар намоишгоҳи сайёҳии Қатар иштирок намуд

ДУШАНБЕ, 25.11.2025 /АМИТ «Ховар»/. Намояндагони Донишгоҳи байналмилалии сайёҳӣ ва соҳибкории Тоҷикистон таҳти роҳбарии ректори муассиса Убайдулло Асрорзода дар Намоишгоҳи байналмилалии сайёҳӣ (QTM — 2025), ки аз 24 то 27 ноябр дар шаҳри Давҳаи Давлати Қатар мегузарад, иштирок доранд. Дар ин хусус ба АМИТ «Ховар» аз ин донишгоҳ хабар доданд.

Зимни тамошои гӯшаи сайёҳии Тоҷикистон намояндагони Донишгоҳи байналмилалии сайёҳӣ ва соҳибкории Тоҷикистон дар чорабинии рӯнамои зарфият ва имконоти сайёҳии Тоҷикистон дар Намоишгоҳи байналмилалии сайёҳӣ (QTM — 2025) иштирок намуданд.

Ҳамзамон дар доираи намоишгоҳ вохӯрии роҳбарияти донишгоҳ бо ширкатҳои маъруфи самти сайёҳӣ ва меҳмондории ҷаҳонӣ доир гардид.

Дар назар аст, ки дар ин рӯзҳо ректори Донишгоҳи  байналмилалии сайёҳӣ ва соҳибкории Тоҷикистон бо роҳбарияти якчанд муассисаи таҳсилоти олии касбӣ ва сохторҳои калидии бахши сайёҳӣ ва шабакаи меҳмонхонаҳои Давлати Қатар, аз ҷумла «Katara Hospitality» ва «Visit Qatar» мулоқот намояд.

АКС: Донишгоҳи байналмилалии сайёҳӣ ва соҳибкории Тоҷикистон