Ҷашнҳои Конститутсия, Президент ва Парчами давлатии Ҷумҳурии Тоҷикистон дар Анқара таҷлил карда шуданд
ДУШАНБЕ, 17.11.2025 /АМИТ «Ховар»/. 16 ноябри соли 2025 бо ташаббуси Сафорати Ҷумҳурии Тоҷикистон дар Ҷумҳурии Туркия ба муносибати Рӯзи қабули Конститутсияи Ҷумҳурии Тоҷикистон, Рӯзи Президенти Ҷумҳурии Тоҷикистон ва Рӯзи Парчами давлатӣ бо иштироки ҳайати дипломатии намояндагӣ, ҳамватанони муқими Туркия ва донишҷӯёни тоҷик мусобиқаи варзишӣ оид ба футболи хурд доир гардид.
Сипас дар дохили Сафорати Ҷумҳурии Тоҷикистон дар Туркия бахшида ба идҳои давлатӣ маҷлиси тантанавӣ доир гардид.
Сафири Фавқулода ва Мухтори Ҷумҳурии Тоҷикистон дар Туркия Содиқ Имомӣ оид ба таърихи қабули Конститутсия дар даврони соҳибистиқлолӣ, аҳаммияти он дар рушди давлатдории миллӣ ва нақши калидии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар барқарорсозии сулҳу суботи комил, ваҳдату ҳамбастагӣ ва пешрафти минбаъдаи мамлакат сухан гуфт.
Содиқ Имомӣ иброз намуд, ки таҷлили Рӯзи Парчами давлатӣ дар қатори дигар санаҳои муқаддаси миллӣ ифодаи ифтихор, худшиносии миллӣ ва эҳтироми мардуми ватандӯсти тоҷик ба арзишҳои давлатӣ мебошад.
Ҳамзамон ба ҷавонон дар хусуси меъёрҳои Конститутсия ва дигар санадҳои меъёрии ҳуқуқии Ҷумҳурии Тоҷикистон маълумот пешниҳод шуда, доир ба аҳаммияту зарурати илмомȳзӣ дар замони муосир ва дигар масъалаҳои вобаста ба сиёсати ҷавонон сухан гуфта шуд.
Дар фарҷом ҳозирин ба ҳамроҳ нашудан ба ҳизбу ҳаракатҳои ифротӣ ва баланд бардоштани ҳисси ватандӯстию худшиносӣ даъват шуда, тақозо гардид, ки то замони дар кишвари иқомат қарор доштан эҳтиром ба меъёрҳои Конститутсия, дигар санадҳои меъёрии ҳуқуқии Ҷумҳурии Тоҷикистон ва қонунгузорию урфу одати кишвари будубош ба ҷо оварда шавад.
АКС: Сафорати Ҷумҳурии Тоҷикистон дар Туркия
Сироҷиддин Муҳриддин бо донишҷӯёни тоҷик дар Британияи Кабир мулоқот намуд
Сафири Тоҷикистон бо Губернатори вилояти Свердловски Русия мулоқот намуд
Дар Лондон нишасти вазирони корҳои хориҷии кишварҳои Осиёи Марказӣ ва Британияи Кабир доир шуд
Сафири Тоҷикистон бо Директори идории ширкати «Wien Energy» мулоқот намуд
Давлатшоҳ Гулмаҳмадзода бо донишҷӯёни тоҷик ва роҳбарони ҷамъиятҳои тоҷикони муқими ҳавзаи федералии Урали Русия мулоқот намуд
Дар Лондон машваратҳои сиёсӣ байни Ҷумҳурии Тоҷикистон ва Подшоҳии Муттаҳидаи Британияи Кабир баргузор шуданд
Сироҷиддин Муҳриддин дар вохӯрӣ бо раис ва аъзои гурӯҳи ҳамаҳизбии Парлумони Подшоҳии Муттаҳида барои Осиёи Марказӣ иштирок намуд
Дар Женева дар доираи иҷлосияи 61-уми Шурои ҳуқуқи инсони СММ чорабинии канории Тоҷикистон баргузор шуд
Сафири Тоҷикистон бо раиси Парлумони Гурҷистон мулоқот намуд
Давлатшоҳ Гулмаҳмадзода бо ҳамватанон, донишҷӯёни тоҷик ва роҳбарони ҷамъиятҳои тоҷикони муқими Бошқирдистони Русия мулоқот намуд
Сафири Тоҷикистон дар Форуми донишгоҳҳо ва илм байни Олмон ва Осиёи Марказӣ иштирок намуд
Дар қароргоҳи ИДМ дар Минск ҷаласаи Шурои намояндагони доимӣ баргузор гардид
