Дар Ҳафтаи байналмилалии оби Корея аз ташаббусҳои ҷаҳонии Президенти Тоҷикистон оид ба обу иқлим ёдовар шуданд
ДУШАНБЕ, 13.11.2025 /АМИТ «Ховар»/. 12 ноябр дар шаҳри Тегу Сафири Фавқулода ва Мухтори Ҷумҳурии Тоҷикистон дар Ҷумҳурии Корея Салоҳиддин Киром дар Ҳафтаи байналмилалии оби Корея иштирок намуда, дар панелҳои сатҳи баланд сухан гуфт.
Тавре ба АМИТ «Ховар» аз Сафорати Тоҷикистон дар Корея хабар доданд, дар ҷараёни чорабинӣ Сафир дар панелҳои «Пешсафони мавзуи об» ва «Ҳамоиши шарикии ҷаҳонӣ: Ҳамкории рушд барои бехатарии об» иштирок намуда, оид ба саҳми фаъоли Тоҷикистон дар пешбурди масъалаҳои обу иқлим ва таҷрибаи Раванди оби Душанбе сухан намуд.
Салоҳиддин Киром таъкид кард, ки ташаббусҳои ҷаҳонии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар соҳаи об ва иқлим, аз қабили Қатъномаи даҳсолаи байналмилалии амал «Об барои рушди устувор, солҳои 2018–2028» дар таҳкими ҳамкории байналмилалӣ ва пешбурди амнияти обӣ дар ҷаҳон нақши муҳим доранд.
Сафир инчунин изҳор дошт, ки Тоҷикистон ҳамчун давлати пешсаф дар масъалаҳои об ва иқлим ҳамеша омода аст барои таҳкими ҳамкории кишварҳо ва созмонҳои байналмилалӣ дар самти истифодаи самараноки захираҳои обӣ саҳм гузорад.
АКС: Сафорати Тоҷикистон дар Корея
Сафири Тоҷикистон бо Губернатори вилояти Свердловски Русия мулоқот намуд
Дар Лондон нишасти вазирони корҳои хориҷии кишварҳои Осиёи Марказӣ ва Британияи Кабир доир шуд
Сафири Тоҷикистон бо Директори идории ширкати «Wien Energy» мулоқот намуд
Давлатшоҳ Гулмаҳмадзода бо донишҷӯёни тоҷик ва роҳбарони ҷамъиятҳои тоҷикони муқими ҳавзаи федералии Урали Русия мулоқот намуд
Дар Лондон машваратҳои сиёсӣ байни Ҷумҳурии Тоҷикистон ва Подшоҳии Муттаҳидаи Британияи Кабир баргузор шуданд
Сироҷиддин Муҳриддин дар вохӯрӣ бо раис ва аъзои гурӯҳи ҳамаҳизбии Парлумони Подшоҳии Муттаҳида барои Осиёи Марказӣ иштирок намуд
Дар Женева дар доираи иҷлосияи 61-уми Шурои ҳуқуқи инсони СММ чорабинии канории Тоҷикистон баргузор шуд
Сафири Тоҷикистон бо раиси Парлумони Гурҷистон мулоқот намуд
Давлатшоҳ Гулмаҳмадзода бо ҳамватанон, донишҷӯёни тоҷик ва роҳбарони ҷамъиятҳои тоҷикони муқими Бошқирдистони Русия мулоқот намуд
Сафири Тоҷикистон дар Форуми донишгоҳҳо ва илм байни Олмон ва Осиёи Марказӣ иштирок намуд
Дар қароргоҳи ИДМ дар Минск ҷаласаи Шурои намояндагони доимӣ баргузор гардид
Президенти Бонки Осиёии Рушд Масато Канда ба Тоҷикистон меояд
