Дар Душанбе аввалин Муколамаи стратегӣ дар сатҳи вазирони корҳои хориҷии Тоҷикистону Чин баргузор гардид
ДУШАНБЕ, 22.11.2025 /АМИТ «Ховар»/. 22 ноябри соли 2025 дар шаҳри Душанбе ҷаласаи нахустини Муколамаи стратегӣ дар сатҳи вазирони корҳои хориҷии Ҷумҳурии Тоҷикистон ва Ҷумҳурии Мардумии Чин баргузор гардид. Дар ин хусус ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Зимни гуфтушунидҳо, ки дар фазои ҳусни тафоҳум ва дӯстии анъанавӣ сурат гирифтанд, вазирон аҳаммияти татбиқи саривақтии тавофуқоти бадастомадаи роҳбарони ду кишвар дар солҳои 2024–2025, инчунин санадҳои дуҷонибаи ба имзо расида дар натиҷаи ин мулоқотҳои сатҳи олӣ таъкид намуданд.
Инчунин сатҳи баланди ҳамкорҳои ҳамаҷонибаи стратегии ду кишвар дар самтҳои мухталифи ҳамкориҳои мутақобилан судманд таъкид гардид.
Ҷонибҳо ҳамчунин ба рушду тақвияти ҳамкориҳои ҳамаҷонибаи судманд дар тамоми соҳаҳои авлавиятнок, аз ҷумла тиҷорат, иқтисод, сармоягузорӣ, саноат, энергетика, нақлиёт, соҳаи аграрӣ, иқтисоди рақамӣ ва тиҷорати электронӣ, технологияҳои инноватсионӣ ва зеҳни сунъӣ, экология ва иқтисоди сабз, амният ва дигар самтҳо таваҷҷуҳи хоса зоҳир гардид.
Дар доираи Муколамаи стратегӣ роҳҳои рушди баъдӣ ва тавсеаи ҳамкориҳои дуҷониба дар соҳаҳои фарҳангӣ ва гуманитарӣ низ мавриди баррасӣ қарор гирифтанд.
Дар мулоқот ҳамчунин оид ба масъалаҳои муҳимми минтақавӣ ва байналмилалӣ табодули афкор сурат гирифт.
Дар навбати худ, ҷониби Тоҷикистон таъкид намуд, ки айни замон раванди баррасии созандаи масъалаи имзои «Конвенсия дар бораи таъсиси созмони Байналмилалии миенаравӣ» аз ҷониби Ҷумҳурии Тоҷикистон идома дорад.
Дар фарҷом вазирони корҳои хориҷӣ Изҳороти муштараки нишасти нахустини Муколамаро ба имзо расониданд.
Механизми Муколамаи Стратегӣ дар сатҳи вазирони корҳои хориҷӣ дар асоси мувофиқаҳои бадастомада байни сарони кишварҳои Тоҷикистону Чин ва Ёддошти тафоҳуми байни вазоратoҳи корҳои хориҷии ду кишвар оид ба таъсиси механизми ҳамкориҳои вазирони корҳои хориҷии ду кишвар, ки моҳи июни соли 2025 ба имзо расида буд, таъсис гардид.
АКС: АМИТ «Ховар»
Дурнамои рушди муносибатҳои Тоҷикистону Туркманистон дар соҳаҳои молияю бонк ва сармоягузорӣ баррасӣ гардид
Шараф Шерализода бо Директори иҷроияи Маркази ҷануб мулоқот намуд
Дар Брюссел мулоқоти вазирони корҳои хориҷии Тоҷикистон ва Кипр баргузор гардид
Дар Брюссел ҷаласаи 11-уми Шурои ҳамкории Тоҷикистон — Иттиҳоди Аврупо доир шуд
Сироҷиддин Муҳриддин бо роҳбарияти Иттиҳоди Аврупо ҳамкории дуҷонибаро баррасӣ намуд
Намояндаи Тоҷикистон дар ҷаласаи Ташаббуси СММ 80 иштирок намуд
Сафири Тоҷикистон бо вазири Девони амирии Давлати Кувайт вохӯрӣ намуд
Директори Маркази тадқиқоти стратегӣ дар Симпозиуми байналмилалӣ иштирок намуд
Дар Женева роҳҳои пешгирии зарар ба соҳаи кишоварзӣ аз офатҳои табиӣ баррасӣ гардид
Дар Брюссел ҳамкории фарогири Тоҷикистону Иттиҳоди Аврупо дар мавзуъҳои таҳкими марз баррасӣ шуд
Тоҷикистон ва Иттиҳоди Аврупо дурнамои ҳамкории байнипарлумониро баррасӣ намуданд
Ҳамкории Тоҷикистон ва Белгия дар самти муҳоҷирати меҳнатӣ баррасӣ гардид
