Таҷлили Рӯзи Президенти Ҷумҳурии Тоҷикистон дар Вазорати саноат ва технологияҳои нав

ДУШАНБЕ, 15.11.2025 /АМИТ «Ховар»/. 14 ноябр дар Вазорати саноат ва технологияҳои нав бо иштироки кормандон маҷлиси тантанавӣ бахшида ба Рӯзи Президенти Ҷумҳурии Тоҷикистон баргузор шуд, хабар медиҳад АМИТ «Ховар».

Вазири саноат ва технологияҳои нав Тоҷикистон Шералӣ Кабир таъкид кард, ки хизматҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои давлат ва ҷомеа бузург ва сарнавиштсоз мебошанд.

Шералӣ Кабир ҳамчунин таъкид намуд, ки маҳз бо роҳбарии оқилона ва бунёдкоронаи Сарвари давлат Ҷумҳурии Тоҷикистон дар солҳои соҳибистиқлолӣ ба дастовардҳои назаррас дар ҳама самтҳо ноил гардида, пояҳои давлатдории миллӣ беш аз пеш таҳким меёбанд.

Дар идомаи маҷлис собиқадори меҳнат Мусоева Рафиқа оид ба ҷанбаҳои таърихӣ, сиёсӣ ва фарҳангии фаъолияти Пешвои миллат муҳтарам Эмомалӣ Раҳмон суханронӣ намуд.

Ҳамчунин дар фароварди маҷлис маърӯзачиён ба нақши Сарвари давлат дар таҳкими ваҳдати миллӣ, рушди соҳаҳои иқтисод, маориф, фарҳанг ва сиёсати хориҷии мамлакат таваҷҷуҳи хос зоҳир намуданд.

АКС: Вазорати саноат ва технологияҳои нави Ҷумҳурии Тоҷикистон