Дар Женева роҳҳои пешгирии зарар ба соҳаи кишоварзӣ аз офатҳои табиӣ баррасӣ гардид

ДУШАНБЕ, 20.11.2025 /АМИТ «Ховар»/. Намояндагии доимии Ҷумҳурии Тоҷикистон дар назди Шуъбаи Созмони Милали Муттаҳид ва дигар ташкилоти байналмилалӣ дар Женева дар мавзуи «Аз огоҳсозӣ то амал: ҳифзи воситаҳои соҳаи кишоварзӣ пеш аз рӯй додани офатҳои табиӣ» чорабинӣ баргузор намуд.

Тавре ба АМИТ «Ховар» аз Намояндагии доимии Ҷумҳурии Тоҷикистон дар назди Шуъбаи Созмони Милали Муттаҳид хабар доданд, чорабинӣ дар ҳамбастагӣ бо Созмони озуқаворӣ ва кишоварзӣ (FAO), Раёсати Созмони Милали Муттаҳид оид ба коҳиши хатари офатҳои табиӣ (UNDRR) ва Созмони умумиҷаҳонии обуҳавошиносӣ (WMO) баргузор гардид.

Зимни чорабинӣ Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, Намояндаи доимии Ҷумҳурии Тоҷикистон Шараф Шерализода оид ба ташаббуси «Огоҳсозии бармаҳал барои ҳама» ва аҳамияти он дар Ҷумҳурии Тоҷикистон тавассути рӯнамо маълумот дод.

АКС: Намояндагии доимии Ҷумҳурии Тоҷикистон дар назди Шуъбаи Созмони Милали Муттаҳид