Муовини якуми Раиси ҲХДТ бо муовини раиси Фраксияи ҳизби «Единая Россия» дар Думаи давлатӣ вохӯрӣ намуд

ДУШАНБЕ, 12.11.2025 /АМИТ «Ховар»/. Муовини якуми Раиси Ҳизби Халқии Демократии Тоҷикистон Маликшо Неъматзода дар Маҷлиси федеролии Думаи давлатии Федератсияи Русия дар шаҳри Москва бо муовини раиси Фраксияи ҳизби «Единая Россия» дар Думаи давлатӣ Евгений Ревенко вохӯрӣ намуд. Дар ин хусус мухбири АМИТ «Ховар» хабар медиҳад.

Дар вохӯрӣ оид ба ҳамкории мутақобили судманди дуҷониба ва шарикии стратегии ду давлати дӯст — Тоҷикистону Русия изҳори қаноатмандӣ  карда шуд.

Ҷонибҳо ҳамзамон ҳамкории байниҳизбӣ байни Ҳизби Халқии Демократии Тоҷикистон ва Ҳизби «Единая Россия»-ро мавриди баррасӣ қарор дода, барои таҳкими он изҳори ҳавасмандӣ намуданд.

Дар мулоқот вакили Фраксияи «Единая Россия»Юрий Швиткин ва ҳамоҳангсози гурӯҳи вакилони Думаи давлатӣ оид ба робита бо Парлумони Ҷумҳурии Тоҷикистон, Марат Нуриев, аъзои фраксияи «Единая Россия» Татяна Василева ва Роҳбари Қабулгоҳи ҷамъиятии Ҳизби Халқии Демократии Тоҷикистон дар Русия Саидбек Мирзомуддинов иштирок доштанд.

АКС: АМИТ «Ховар»