Сафири Тоҷикистон бо муовини Раиси Девони вазирони Туркманистон мулоқот намуд

ДУШАНБЕ, 14.11.2025 /АМИТ «Ховар»/. 13 ноябр Сафири Фавқулода ва Мухтори Ҷумҳурии Тоҷикистон дар Туркманистон Вафо Ниятбекзода бо муовини Раиси Девони вазирони Туркманистон оид ба масъалаҳои саноат, маҷмааи сохтмонӣ ва қувваи барқ Аннамаммедов Баймират мулоқот намуд.

Тавре ба АМИТ «Ховар» аз Сафорати Тоҷикистон дар Туркманистон хабар доданд, зимни мулоқот ҷонибҳо вазъи кунунӣ ва дурнамои рушди муносибатҳои Тоҷикистону Туркманистонро дар соҳаҳои саноат, маҷмааи сохтмонӣ, таъсиси иқтидори нави истеҳсолии муштарак ва роҳҳои боз ҳам тақвият бахшидани ҳамкории мутақобили судманд ибрози андеша намуданд.

Дар ин робита баррасии имконияти баланд бардоштани додугирифти маҳсулоти саноатӣ ва иштирок дар лоиҳаҳои ояндадори тарафайн, ки дар қаламрави Тоҷикистон ва Туркманистон амалӣ гардонида мешаванд, мувофиқи мақсад арзёбӣ карда шуд.

АКС: Сафорати Тоҷикистон дар Туркманистон