Дар Осорхонаи миллии Тоҷикистон намоиши осори таърихии Гунди Шопури Эрон баргузор мегардад
ДУШАНБЕ, 23.12.2025 /АМИТ «Ховар»/. 22 декабр дар Ҷумҳурии Исломии Эрон зимни вохӯрии муовини якуми директори Осорхонаи миллии Тоҷикистон Алишер Зарифӣ бо мудири кулли мероси фарҳангӣ, гардишгарӣ ва саноеи дастии Устони Форси Эрон Беҳзод Муридӣ масъалаи баргузор намудани намоиши осори таърихии Осорхонаи таърихи тиҷорати Гунди Шопури шаҳри Шероз дар Осорхонаи миллии Тоҷикистон баррасӣ гардид.
Тавре аз Осорхонаи миллии Тоҷикистон ба АМИТ «Ховар» хабар доданд, зимни вохӯрӣ ҷонибҳо аҳаммияти густариши ҳамкории фарҳангӣ ва осорхонавиро дар заминаи муаррифии мероси таърихию фарҳангии ду давлат таъкид намуданд.
Дар вохӯрӣ масоили марбут ба фаъолияти осорхонавӣ, аз ҷумла тармиму таҳкими осори нодири таърихӣ, таҳия ва нашри феҳристномаҳои соҳавӣ, бозомӯзии мутахассисони осорхонаҳои ҳарду давлат, ташкили намоишҳои муштараки байналмилалӣ ва дигар самтҳои ҳамкории касбӣ муҳокима гардиданд.
Дар фарҷом ҷонибҳо бо таъкиди аҳамияти муколамаи фарҳангӣ изҳори омодагӣ намуданд, ки ҳамкории осорхонавиро ба сатҳи сифатан нав бароварда, дар муаррифии мероси ғании таърихии ду давлат саҳми муассир гузоранд.
АКС: Осорхонаи миллии Тоҷикистон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
