Дар шаҳру ноҳияҳои вилояти Хатлон кишти пиёзу картошка идома дорад
ДУШАНБЕ, 08.12.2025 /АМИТ «Ховар»/. Дар шаҳру ноҳияҳои вилояти Хатлон кишти пиёзу картошка идома дошта, ҳосили то он оғози фасли баҳор ҷамъоварӣ мегардад.
Тавре аз Сарраёсати кишоварзии вилояти Хатлон ба АМИТ «Ховар» иттилоъ доданд, тибқи нақша дар нуҳ ҳазор гектар пиёз ва дар ҳашт ҳазор гектар картошка кишт карда мешавад.
Дар ноҳияи Дӯстӣ дар 23 гектар дар зери плёнка картошка кишт карда шудааст, ки ҳосили он то моҳи апрел ҷамъоварӣ карда мешавад. Ин таҷриба соли дуюм аст, ки амалӣ мегардад.
Ба тавсияи олимони соҳаи кишоварзӣ, дар кишти тирамоҳӣ ва аввали фасли зимистон замин бояд ба воситаи механизмҳо коркард карда шавад. Дар як гектар замин то 30-40 тонна поруи пӯсида ва 70 фоиз миқдори зарурии нуриҳои фосфорӣ ва калийдорро андохтан зарур аст. Пас аз ин дар чуқурии 28-30 сентиметр шудгор гузаронида шуда, картошка ба воситаи механизмҳо шинонида мешавад. Болои қаторҳои картошкае, ки дар ин мавсим шинонида мешавад, бояд бо поруи пӯсида пӯшонида шавад.
Иқлими вилояти Хатлон барои кишту парвариши ин ду маҳсулоти мавриди ниёзи аввал мутобиқ буда, ҳамасола кишоварзон ҳосили хуб ба даст меоранд. Ҳамзамон бозорҳои дохилию берун аз вилоятро бо маҳсулоти хушсифати пиёзу картошка таъмин менамоянд.
АКС: АМИТ «Ховар»
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
