Доир ба тақвияти рақамикунонии вазифаҳои давлатии Ҷумҳурии Тоҷикистон лоиҳаи грантӣ ба имзо расид
ДУШАНБЕ, 11.12.2025 /АМИТ «Ховар»/. 10 декабр байни Вазорати рушди иқтисод ва савдои Ҷумҳурии Тоҷикистон ва Агентии ҳамкории байналмилалии Корея (KOICA) доир ба тақвияти рақамикунонии вазифаҳои давлатии Ҷумҳурии Тоҷикистон Протоколи музокирот вобаста ба лоиҳаи грантӣ дар ҳаҷми 6,5 миллион доллари амрикоӣ ба имзо расид. Дар ин хусус ба АМИТ «Ховар» аз ин вазорат хабар доданд.
Иброз гардид, ки Протоколи музокирот дар доираи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба эълон намудани солҳои 2025-2030 «Солҳои рушди иқтисоди рақамӣ ва инноватсия» ва иҷрои бандҳои нақшаи чорабиниҳои «Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025» ба имзо расонида шуд.
Иттилоъ дода шуд, ки дар доираи он таъсиси Платформаи ягона барои мониторинг ва арзёбии ҳуҷҷатҳои стратегӣ, инчунин рақамигардонии ҷараёни ҳамоҳангсозӣ ва банақшагирии босамари донишҷӯён ба муассисаҳои таҳсилоти олӣ, миёна ва ибтидоиии касбӣ пешбинӣ гардидааст.
Директори Агентии ҳамкории байналмилалии Корея KOICA Канг Сеунг-ҳун изҳор дошт, ки KOICA тамоми воситаҳо ва иқтидорро барои амалӣ сохтани лоиҳаҳои соҳавӣ равона хоҳад кард.
Вазири рушди иқтисод ва савдои Тоҷикистон Абдураҳмон Абдураҳмонзода таъкид намуд, ки бо шарофати сиёсати хирадмандона ва дурбинонаи Президенти Ҷумҳурии Тоҷикистон муҳтарам Эмомалӣ Раҳмон муносибатҳои дуҷониба ва ҳамкории иқтисодии Ҷумҳурии Тоҷикистон бо Ҷумҳурии Корея рушд ёфта, барои татбиқи лоиҳаҳои созандаю пурсамар заминаи боэътимод фароҳам оварда шуд.
АКС: Вазорати рушди иқтисод ва савдои Ҷумҳурии Тоҷикистон
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
