Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
ДУШАНБЕ, 12.12.2025 /АМИТ «Ховар»/. Донишкадаи давлатии санъати тасвирӣ ва дизайни Тоҷикистон бо намояндагии «Россотрудничество» дар Тоҷикистон ҳамкориро густариш медиҳад.
Тавре ба АМИТ «Ховар» аз ин донишкада хабар доданд, 10 декабр вохӯрии ректори Донишкадаи давлатии санъати тасвирӣ ва дизайни Тоҷикистон Сироҷиддин Ҷурахонзода бо роҳбари намояндагии «Россотрудничество» дар Ҷумҳурии Тоҷикистон Андрей Патрушев баргузор гардид.
Дар мулоқот ҷонибҳо якчанд пешниҳод, аз ҷумла таҳияи барномаҳои муштараки таълимӣ, баргузории машғулияти такмили ихтисос бо иштироки омӯзгорони Русия, ташкил намудани тренингҳо оид ба технологияҳои муосири дизайн, санъати тасвирӣ ва моделсозии 3D, ҷалби мутахассисон барои гузаронидани дарсҳои маҳорат дар донишкадаро матраҳ намуданд.
Инчунин ҳамсуҳбатон масъалаҳои ташкили намоишгоҳҳои эҷодии рассомон ва донишҷӯён дар намоишгоҳҳои донишкада ва «Россотрудничество», ҷудо намудани квотаю бурсияҳои таълимӣ барои донишҷӯёни донишкада, баргузории форуму намоишгоҳҳои эҷодӣ бо иштироки донишҷӯёни ду давлатро баррасӣ намуданд.
Донишкадаи давлатии санъати тасвирӣ ва дизайни Тоҷикистон ҳамчун маркази тайёр кардани мутахассисони эҷодӣ ба рушди робитаҳои фарҳангӣ ва таълимӣ бо шарикони хориҷӣ таваҷҷуҳи беандоза дорад.
Андрей Патрушев омодагиашонро барои ташкили барномаҳои таълимӣ, фарҳангӣ ва чорабиниҳои байналмилалӣ баён намуд.
Меҳмонон бо имконияти устохонаҳои эҷодӣ, галереяи донишкада, синфхонаҳои тахассусии рассомӣ, дизайн, графика ва раванди таълим шинос шуда, ба сатҳу сифати таълим, истеъдоди донишҷӯён ва имконияти эҷодии донишкада баҳои баланд доданд.
АКС: Донишкадаи давлатии санъати тасвирӣ ва дизайни Тоҷикистон
Дар Осорхонаи миллии Тоҷикистон беш аз 800 бозёфти нодири таърихӣ ба намоиш гузошта шудааст
РӮЗИ БУЗУРГДОШТИ САЪДИИ ШЕРОЗӢ. Осори безаволи шоир дар тарбияи ахлоқӣ ва маънавии ҷомеа нақши муҳим дорад
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
