Фонди Саудии Рушд барои маблағгузории лоиҳаҳои афзалиятнок дар Тоҷикистон изҳори омодагӣ кард
ДУШАНБЕ, 10.12.2025 /АМИТ «Ховар»/. 10 декабр дар шаҳри Риёзи Подшоҳии Арабистони Саудӣ мулоқоти Вазири молияи Ҷумҳурии Тоҷикистон Файзиддин Қаҳҳорзода бо Директори Генералии Фонди Саудии Рушд Султон Абдулраҳмон Ал — Маршад баргузор шуд.
Тавре ба АМИТ «Ховар» аз Вазорати молия хабар доданд, дар оғози мулоқот ҷонибҳо аз сатҳи ҳамкории мутақобилан судманд изҳори қаноатмандӣ карданд.
Мусоҳибон вобаста ба ҳолати кунунии татбиқи лоиҳаҳои давлатии сармоягузорӣ дар Ҷумҳурии Тоҷикистон, ки бо маблағгузории Фонди Саудии Рушд татбиқ мегарданд, мубодилаи афкор намуданд.
Ҳамзамон таъкид гардид, ки то имрӯз аз ҷониби Фонд лоиҳаҳои давлатии сармоягузорӣ дар Тоҷикистон ба маблағи умумии 294 миллион доллари амрикоӣ амалӣ гардида, айни ҳол 4 лоиҳа ба маблағи 210 миллион доллари амрикоӣ мавриди татбиқ қарор дорад.
Зимни мулоқот аз ҷониби Вазири молия Файзиддин Қаҳҳорзода барои ҷалби маблағгузорӣ ба лоиҳаҳои афзалиятноки кишвар дар соҳаҳои энергетика, нақлиёт ва маориф маълумоти муфассал пешниҳод гардид.
Дар анҷом ҷониби Фонди Саудии Рушд барои иштирок дар маблағгузории лоиҳаҳои афзалиятноки Ҷумҳурии Тоҷикистон изҳори омодагӣ намуд.
АКС: Вазорати молияи Ҷумҳурии Тоҷикистон
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
