Паёми Президенти Тоҷикистон ба Маҷлиси Олӣ ба аҳли илм руҳияи тоза бахшид
ДУШАНБЕ, 17.12.2025 /АМИТ «Ховар»/. Кормандони Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон, марказҳо ва филиалҳои он 16 декабр Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ»-ро дастҷамъона тамошо намуданд, хабар доданд ба АМИТ «Ховар» аз ин агентӣ.
Зимни пешниҳоди Паёми Президенти Ҷумҳурии Тоҷикистон ба Маҷлиси Олӣ масъалаҳои муҳими сиёсию иҷтимоӣ ва иқтисодии ҷумҳурӣ мавриди таҳлил қарор дода шуда, ба натиҷаҳо ва дастовардҳои даврони соҳибистиқлолӣ таваҷҷуҳи хос зоҳир гардид.
Аҳли илм ва кормандони Агентии амнияти химиявӣ, биологӣ, радиатсионӣ ва ядроӣ бо таваҷҷуҳ ба масъалаҳое, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон мавриди таҳлилу баррасӣ қарор гирифтанд, барои истифодаи самараноки онҳо дар фаъолияти минбаъда изҳори омодагӣ намуданд.
Бо таҳлилу натиҷагирӣ аз фаъолияти тамоми саоҳаҳо, аз ҷумла илму маориф Сарвари давлат иброз намуданд, ки вазъи амалишавии “Стратегияи миллии рушди маориф барои давраи то соли 2030” ҳамаҷониба бояд таҳлилу баррасӣ гардида, тибқи ҳадафҳои нави дар ин самт гузошташуда такмил дода шавад. Соли 2019 дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ солҳои 2020 – 2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон шуда буд. Аз ин лиҳоз солҳои сипаригардида дар доираи ин 20-сола бояд натиҷагирӣ ва технологияи муосир мувофиқи мақсад мавриди истифода қарор дода шавад, зеро асри 21 асри пешрафти илму техника ва технологияҳо мебошад.
Дар маҷмуъ масъалаҳое, ки дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон мавриди таҳлил қарор гирифтанд, фарогири тамоми паҳлуҳои рӯзгори мардуми шарифи Тоҷикистон буданд. Кормандони Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон ин санади муҳимро ҳамчун роҳнамои мукаммали фаъолияти касбӣ пазируфта, барои татбиқи ҳадафу барномаҳои соҳавӣ, таҳкими тақвияти истифодаи технологияи муосир ва рушди илми тоҷик самаранок хизмат менамоянд.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
