Соли 2027 Душанбе мизбони Форуми VI театрии ҷавонони кишварҳои ИДМ ва Гурҷистон мегардад
ДУШАНБЕ, 25.12.2025 /АМИТ «Ховар»/. Соли 2027 дар шаҳри Душанбе Форуми VI театрии ҷавонони кишварҳои Иттиҳоди Давлатҳои Мустақил ва Гурҷистон баргузор мегардад.
Тавре аз Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, 24 декабр дар Вазорати фарҳанги Ҷумҳурии Тоҷикистон Ёддошти тафоҳум оид ба баргузории Форуми VI театрии ҷавонони кишварҳои Иттиҳоди Давлатҳои Мустақил ва Гурҷистон ба имзо расид. Ёддошти тафоҳумро Вазири фарҳанги Ҷумҳурии Тоҷикистон Матлубахон Сатториён ва Президенти Конфедератсияи байналмилалии иттиҳодияҳои театрӣ Карина Сатурова имзо намуданд.
Форуми театрии ҷавонон ба таҳкими робитаҳои эҷодии ҷавонони соҳаи театр дар кишварҳои Иттиҳоди Давлатҳои Мустақил ва Гурҷистон равона гардидааст.
Ҳадафи форум ҳифз ва рушди робитаҳои фарҳангӣ, муттаҳид сохтани театрҳою чеҳраҳои ҷавони театр ва густариши шаклҳои нави ҳамкории эҷодии ҷавонон дар соҳаи фарҳанг ва санъат дар байни кишварҳои Иттиҳоди Давлатҳои Мустақил ва Гурҷистон мебошад.
Дар назар аст, ки дар доираи он ҳунармандони ҷавон равияҳо ва консепсияҳои нави рушди санъати театриро омӯхта, таҳлил намоянд. Инчунин баргузории дарсҳои маҳорат ва вохӯриҳо бо устодони шинохтаи театри муосири Русия ва ҷаҳон дар назар аст.
Дар ҷараёни форум ҳайати касбии ҳакамон намоишҳои интихобнамудаи гурӯҳҳои коршиносро тамошо намуда, ғолибонро бо ҷоизаҳои рамзии «Чатрҳои тиллоӣ, нуқраӣ ва биринҷӣ», ки рамзи муттаҳидкунандаи Форуми театрии ҷавононанд, қадрдонӣ менамоянд.
Ёдовар мешавем, ки Форуми театрии ҷавонони кишварҳои Иттиҳоди Давлатҳои Мустақил дар се сол як маротиба баргузор мегардад. Форум нахустин маротиба соли 2012 дар Кишинёв, соли 2015 дар Минск, соли 2018 дар Ереван, соли 2021 дар Тошканд ва соли 2024 дар Алмато баргузор шудааст.
АКС: Вазорати фарҳанги Ҷумҳури Тоҷикистон
Форуми байналмилалии «Ҳамкории муштараки киносозону продюсерон» ва нишасти матбуотӣ баргузор гардид
«ЗАБОНИ МО – ҶАҲОНИ МО». Анҷумани сеюми забоншиносони давлатҳои ҳамзабону ҳамфарҳанг доир шуд
Иштирокдорони Анҷумани сеюми забоншиносони ҷаҳон бо осори таърихию фарҳангии Осорхонаи миллии Тоҷикистон шинос шуданд
Пагоҳ дар Тоҷикистон Иди Меҳргон таҷлил мегардад
Дар Душанбе Рӯзҳои кинои Эрон оғоз гардиданд
ИМРӮЗ–РӮЗИ КИНОИ ТОҶИК. Аз соли 1991 то соли 2025 дар маҷмуъ 313 филм ба навор гирифта шудааст
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
