35-СОЛАГИИ ИСТИҚЛОЛИ ДАВЛАТӢ. Дар шаҳри Истиқлол сохтмони марҳилаи дуюми корхонаи металлургӣ идома дорад
ДУШАНБЕ, 15.01.2026 /АМИТ «Ховар»/. Дар доираи нақшаи чорабиниҳо бахшида ба ҷашни 35-солагии Истиқлоли давлатии Ҷумҳурии Тоҷикистон дар шаҳри Истиқлол бунёди марҳилаи дуюми корхонаи металлургии истеҳсоли сурб, нуқра ва мисии Ҷамъияти дорои масъулияти маҳдуди «Ширкати кӯҳию саноатии Тоҷикистону Чин» идома дорад. Дар ин корхонаи саноатӣ дар маҷмӯъ 5 намуд маҳсулот истеҳсол карда мешавад.
Тавре аз Мақомоти иҷроияи ҳокимияти давлатии шаҳри Истиқлол ба АМИТ «Ховар» итилоъ доданд, то имрӯз қисми зиёди корҳои сохтмонӣ дар марҳилаи дуюми корхона ба анҷом расида, хатҳои технологӣ ва дастгоҳу таҷҳизоти зарурӣ васлу насб шудаанд.
Корхонаи металлургии шаҳри Истиқлол яке аз калонтарин корхонаҳои саноати кӯҳӣ маҳсуб ёфта, марҳилаи аввали он бо иштироки Президенти Ҷумҳурии Тоҷикистон муҳтарам Эмомалӣ Раҳмон мавриди истифода қарор дода шуда буд. Бо ба фаъолият оғоз намудани марҳилаи дуюм ҳаҷми истеҳсоли маҳсулот афзуда, шумораи ҷойҳои корӣ дар маҷмӯъ то 500 нафар мерасад.
Инчунин бо саҳми соҳибкорони ватанӣ дар шаҳри Истиқлол сохтмони ду корхонаи саноатӣ дар самти истеҳсоли оҳаксанг ва хокаи оҳак идома дорад. Айни замон корҳои сохтмонӣ Ҷамъияти дорои масъулияти маҳдуди «Тоҷоҳак» идома дорад.
Иқтидори истеҳсолии корхона 100 тонна оҳаксанг дар як шабонарӯзро ташкил дода, баъди ба истифода супоридан дар он то 30 нафар сокинони маҳаллӣ бо ҷойи кор таъмин мегарданд.
Ҳамчунин сохтмони корхонаи коркарди оҳаксанги Ҷамъияти дорои масъулияти маҳдуди «Оҳаки Истиқлол» бо саҳми соҳибкорони ватанӣ амалӣ шуда, иқтидори лоиҳавии он 100 ҳазор тонна оҳак дар як сол мебошад. Шумораи ҷойҳои корӣ дар ин корхона баъди ба истифода додан 100 нафарро ташкил хоҳад дод.
АКС: Мақомоти иҷроияи ҳокимияти давлатии шаҳри Истиқлол
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
