35-СОЛАГИИ ИСТИҚЛОЛИ ДАВЛАТӢ. Сохтмони Маҷмааи муосири варзишии «Суғд-Арена» вусъати тоза гирифтааст
ДУШАНБЕ, 07.01.2026 /АМИТ «Ховар»/. Ба ифтихори ҷашни 35-солагии Истиқлоли давлатии Ҷумҳурии Тоҷикистон ва Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ эълон гардидани соли 2026 дар шаҳри Хуҷанд сохтмони якчанд иншооти муҳим вусъати тоза пайдо намудааст, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Дар шаҳри Хуҷанд сохтмони Маҷмааи муосири варзишии «Суғд-Арена» босуръат идома дорад. Он бо мақсади рушди соҳаи варзиш ва фароҳам овардани шароити мусоид барои баргузории чорабиниҳои варзишӣ бунёд гардида, имкон медиҳад, ки дар як вақт беш аз 1000 нафар ба тамрин фаро гирифта шаванд. Дар назар аст, ки дар муассисаи давлатии Мактаби варзишии маҳорати олии вилояти Суғд майдони нави варзишии замонавӣ бо фарогирии тамоми шароити зарурӣ сохта шавад.
Корҳои сохтмонӣ дар бинои нави Палатаи савдо ва саноати вилояти Суғд низ мутобиқи нақша идома доранд. Бунёди чунин иншооти замонавӣ ба фароҳам овардани шароити муносиби фаъолияти кормандон ва тақвияти ҳамкории иқтисодию соҳибкорӣ мусоидат менамояд.
Ҳамзамон ба ифтихори ҷашни 35-солагии Истиқлоли давлатии Ҷумҳурии Тоҷикистон дар соҳили дарёи Сир сохтмони тарабхонаҳои замонавии брендӣ идома дорад. Масъулини тарабхонаи брендии «Форел» тасмим гирифтаанд, ки иншооти нав бунёд намуда, самти фаъолиятро густариш диҳанд. Ин иқдом ба таъсиси ҷойи нави кор ва рушди соҳаи сайёҳӣ мусоидат менамояд.
Дар Минтақаи озоди иқтисодии «Суғд» низ татбиқи лоиҳаҳои нав идома дорад. Бо амалӣ шудани лоиҳаҳо ҳаҷми истеҳсоли маҳсулоти саноатӣ афзоиш ва ҷойи нави кор таъсис меёбад.
АКС: Хадамоти матбуоти Раиси вилояти Суғд
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
