НИШАСТИ МАТБУОТӢ. Дар Маркази миллии тестӣ соли 2025 довталабон аз рӯйи 867 ихтисос ҳуҷҷат супориданд
ДУШАНБЕ, 27.01.2026 /АМИТ «Ховар»/. Маркази миллии тестии назди Президенти Ҷумҳурии Тоҷикистон аз соли 2023 инҷониб бақайдгирии довталабонро барои иштирок дар имтиҳонҳои марказонидаи дохилшавӣ дар 4 давра мегузаронад. Шумораи умумии ихтисосҳое, ки тибқи нақшаи қабули тасдиқгардида барои қабули донишҷӯён ба муассисаҳои таълимӣ дар соли 2025 пешниҳод гардид, 867 ададро ташкил дод, ки нисбат ба соли 2024 71 адад зиёд мебошад. Дар ин хусус имрӯз зимни нишасти матбуотӣ директори Маркази миллии тестии назди Президенти Ҷумҳурии Тоҷикистон Сабзалӣ Ҷаъфарзода иттилоъ дод.
Соли 2025 барои қабули донишҷӯён ба муассисаҳои таълимии таҳсилоти олии касбӣ тавассути имтиҳонҳои марказонидаи дохилшавӣ тибқи нақшаи қабули донишҷӯён 70 730 ҷой ҷудо гардида буд, ки нисбат ба ҳамин нишондиҳандаи соли 2024 2396 ҷой зиёд аст. Аз шумораи ҷойҳои тибқи нақшаи қабули донишҷӯён ба донишгоҳу донишкадаҳо ҷудогардида 11 622 ҷой барои таҳсили ройгон ва 59 108 ҷой барои таҳсили пулакӣ аст.
Дар ҷараёни нишасти матбуотӣ иттилоъ дода шуд, ки шумораи умумии муассисаҳои таълимии таҳсилоти миёна ва олии касбие, ки соли 2025 қабули донишҷӯён ба онҳо ба воситаи низоми имтиҳонҳои марказонидаи дохилшавӣ ба роҳ монда шуд, 129 ададро ташкил дод.
Марказ тибқи тартиби муқарраркардаи Ҳукумати Ҷумҳурии Тоҷикистон қабули ҳуҷҷатҳои довталабони имтиёздорро дар имтиҳонҳои марказонидаи дохилшавӣ дар соли 2025 ба роҳ монда, ба гурӯҳҳои дахлдори довталабон дар пардохти маблағи хизматрасонӣ имтиёз дод. Бо мақсади тасдиқи рӯйхатҳои довталабони имтиёздор дар имтиҳонҳои марказонидаи дохилшавии соли 2025 Маркази миллии тестӣ бо вазорату кумитаҳои дахлдор ҳамкорӣ намуд.
Дар ҳама давраҳои бақайдгирӣ (4 давра) 1560 нафар довталаби имтиёздор барои иштирок дар имтиҳонҳои марказонидаи дохилшавии соли 2025 ба қайд гирифта шуданд, ки 474 нафарашон духтарон ва 1086 нафар писарон мебошанд. Шумораи довталабони имтиёздор дар соли 2025 нисбат ба соли 2024 172 нафар зиёд аст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
