НИШАСТИ МАТБУОТӢ. Шумораи воҳидҳои корӣ дар вазифаҳои хизмати давлатӣ 440 адад зиёд гардид
ДУШАНБЕ, 26.01.2026. /АМИТ «Ховар»/. Тибқи маълумоти оморӣ, ба ҳолати 1 январи соли 2026 дар мақомоти давлатӣ ва мақомоти худидоракунии шаҳрак ва деҳот шумораи умумии воҳидҳои корӣ 22 ҳазору 817 ададро ташкил медиҳад, ки нисбат ба ҳамин давраи соли 2025 440 воҳид зиёд шудааст. Дар ин хусус имрӯз зимни нишасти матбуотӣ муовини якуми директори Агентии хизмати давлатӣ Фирдавс Абдуллозода ба рӯзноманигорон иттилоъ дод.
Сабабҳои зиёд гардидани воҳидҳои кориро муовини якуми директори агентӣ ба таъсиси мақомоти нав, аз ҷумла кумитаҳои хоҷагиҳои манзилию коммуналӣ, оид ба таҳсилоти ибтидоӣ ва миёнаи касбӣ, агентиҳои инноватсия ва технологияҳои рақамӣ, ҳифзи мероси таърихиву фарҳангӣ, таҷдиди сохтор ва зиёд гардидани воҳидҳои корӣ дар баъзе вазорату идораҳо ва мақомоти иҷроияи ҳокимияти давлатӣ, ба монанди вазоратҳои мудофиа, корҳои хориҷӣ, кумитаҳои андоз, кор бо занон ва оила, Агентии стантартизатсия, метрология, сертификатсия ва нозироти савдо рабт дод.
Инчунин иттилоъ дода шуд, ки ба ҳолати 1 январи соли 2026 9429 нафар ё 50,1 фоиз ҷавонони то 35-сола дар вазифаҳои хизмати давлатӣ фаъолият доранд. «Аз ин шумора 1790 нафар ё 28,9 фоиз ҷавонон дар вазифаҳои роҳбарикунанда фаъолият доранд, ки нисбат ба ҳамин давраи соли 2025 73 нафар зиёд мебошад», — афзуд Фирдавс Абдуллозода.
Дар нишасти матбуотӣ ҳамзамон таъкид карда шуд, ки соли 2025 тибқи озмуни мансабҳои холии маъмурии хизмати давлатӣ 268 ҷавон баъди иҷрои хизмати ҳарбӣ ба вазифаҳои хизмати давлатӣ таъйин карда шуданд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Душанбе масъалаҳои мубрами таҳсилоти миёнаи касбӣ дар шароити рушди инноватсия ва рақамикунонӣ баррасӣ гардид
НАВРӮЗ – ОМИЛИ ПОЙДОРИИ ВАҲДАТ. Дар ноҳияи Фирдавсӣ конференсияи ҷумҳуриявӣ доир шуд
Дар Ню-Йорк масъалаҳои тавсеаи имкониятҳои занон дар Тоҷикистон баррасӣ гардид
Оид ба дурнамои нави ҳамкории Тоҷикистону Узбекистон конференсияи байналмилалӣ доир шуд
Муассисаҳои давлатии нигоҳдории роҳҳо зарари офати табииро дар роҳҳои мошингард бартараф менамоянд
Намояндагони Тоҷикистон дар Ню-Йорк дар ҳамоиш оид ба ҳуқуқи занон ба замин иштирок намуданд
Ҳайати Тоҷикистон дар мубоҳисаҳои умумии ҷаласаи 70-уми Комиссияи СММ оид ба мақоми зан иштирок намуд
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
