Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
ДУШАНБЕ, 20.02.2026 /АМИТ «Ховар»/. Байни Хадамоти гумруки назди Ҳукумати Ҷумҳурии Тоҷикистон ва ширкати ҷопонии «Yachiyo Engineering Co., LTD» оид ба хизматрасонии машваратӣ барои лоиҳаи «Такмил додани таҷҳизот барои сканеркунии мол дар гумруки Спитамен дар масири байналмилалии долони нақлиётии Транскаспӣ» шартнома ба имзо расид. Дар ин хусус АМИТ «Ховар» бо истинод ба Хадамоти гумруки назди Ҳукумати ҷумҳурӣ иттилоъ медиҳад.
Дар меҳвари мулоқоти роҳбарияти Хадамоти гумруки назди Ҳукумати Ҷумҳурии Тоҷикистон бо ҳайати Намояндагии Агентии Ҷопон оид ба ҳамкории байналмилалӣ (JICA) дар Душанбе «Лоиҳаи беҳтаргардонии таҷҳизоти сканеркунии бор дар нуқтаи назорати гумрукӣ дар ноҳияи Спитамен-Раёсати минтақавии гумрукӣ дар вилояти Суғд дар масири хатсайри байналмилалии долони Транскаспӣ» қарор гирифт. Зимни он ба корҳои таҳқиқотии мутахассисони ҷопонӣ диққати аввалиндараҷа зоҳир гардид.
Гурӯҳи корӣ аз ҷониби JICA инчунин масъалаи гузаронидани таҳқиқоти муфассал ва такмили ин лоиҳаро бо мақсади рушди инфрасохтори сканеркунии гумрукӣ мавриди баррасӣ қарор дод. Гуфта шуд, ки баргузории тендер оид ба харид ва таъмини таҷҳизоти сканеркунӣ дар моҳи майи соли 2026 дар назар дошта шудааст. Таъкид шуд, ки муҳлати истеҳсоли таҷҳизоти мазкур пас аз анҷоми расмиёти тендер тақрибан 11 моҳро дар бар мегирад.
Иброз гардид, ки гурӯҳи таҳқиқотии JICA қаблан ду маротиба — солҳои 2024 ва 2025 дар Ҷумҳурии Тоҷикистон таҳқиқоти саҳроӣ анҷом додааст. Дар натиҷаи ин таҳқиқот дар Ҷопон корҳои тарҳрезии аввалин ва арзёбии иқтисодии лоиҳа ба анҷом расиданд.
АКС: Хадамоти гумруки назди Ҳукумати Ҷумҳурии Тоҷикистон
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
