Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
ДУШАНБЕ, 17.02.2026 /АМИТ «Ховар»/. 17 феврал дар шаҳри Душанбе бо иштироки Сарвазири Ҷумҳурии Тоҷикистон Қоҳир Расулзода ва Сарвазири Ҷумҳурии Узбекистон Абдулло Орипов ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодӣ байни Ҷумҳурии Тоҷикистон ва Ҷумҳурии Узбекистон доир шуд, хабар медиҳад АМИТ «Ховар».
Густариши ҳамкорӣ дар соҳаҳои тиҷорат, сармоягузорӣ, энергетика, саноат, кишоварзӣ, нақлиёт, гумрук, маориф, фарҳанг ва дигар бахшҳо аз мавзуъҳои асосии ҷаласа буд.
Тавре таъкид шуд, ба шарофати сиёсати созанда ва иродаи қавии роҳбарони ду кишвари дӯсту бародар, имрӯз муносибатҳо дар тамоми соҳаҳо рушди назаррас дошта, халқҳои мо дар фазои дӯстиву бародарӣ зиндагӣ мекунанд.
Бояд гуфт, ки маҳз дар заминаи иродаи қавӣ ва эҳтироми ҳамдигариву ҳампаймонӣ, имрӯз муносибатҳои дуҷониба дар фазои дӯстӣ сурат мегиранд. Ин аст, ки дар соли 2025 ҳаҷми тиҷорат байни кишварҳо ба 718,3 миллион доллари амрикоӣ расид, ки ин нишондиҳанда нисбат ба соли 2024 22,5 дарсад зиёд мебошад.
Зимнан, ҷонибҳо ба мувофиқа расиданд, ки гардиши тиҷорат то 2 миллиард доллар афзоиш дода шавад.
Ҷонибҳо иброз намуданд, ки тақвияти ҳамкорӣ дар соҳаи саноат яке аз самтҳои асосии фаъолияти мо боқӣ мемонад.
Аз рӯи натиҷаҳои ҷаласа Протокол оид ба фаъолияти муштараки Комиссияи байниҳукуматӣ доир ба ҳамкории Ҷумҳурии Тоҷикистон ва Ҷумҳурии Узбекистон ба имзо расид.
Инчунин дар ҳошияи ҷаласа Сарвазири кишвари мо Қоҳир Расулзода ва Сарвазири Узбекистон Абдулло Орипов бо фаъолияти корхонаи истеҳсоли халтаҳои полипропилении ширкати “Ғаюр-Пак” ва корхонаи истеҳсоли фурӯзонакҳои диодӣ ва дигар таҷҳизоти равшанидиҳандаи “Ғаюр Корея Технолоҷи” шинос шуданд.
Корхонаи “Ғаюр Пак» дар асоси технологияи муосир фаъолият дорад. Иқтидори истеҳсолии коргоҳ дар як сол 50 миллион дона халтаи полипропиленӣ мебошад.
Корхонаи истеҳсоли фурӯзонакҳои диодӣ ва дигар таҷҳизоти равшанидиҳанда бошад, истеҳсоли беш аз 100 номгӯи маҳсулотро ба роҳ мондааст. Иқтидори истеҳсолии корхонаи саноатӣ 1 миллиону 200 ҳазор дона дар як сол буда, маҳсулоти он, асосан, барои таъмини талаботи бозори дохилӣ равона гаштааст.
АКС: АМИТ «Ховар»
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
