Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
ДУШАНБЕ, 18.02.2026 /АМИТ «Ховар»/. Дар назди Донишгоҳи байналмилалии забонҳои хориҷии Тоҷикистон ба номи Сотим Улуғзода ду шурои нави диссертатсионӣ таъсис дода шуд. Дар ин хусус ба АМИТ «Ховар» аз ин донишгоҳ хабар доданд.
Иттилоъ дода шуд, ки дар назди донишгоҳ шурои диссертатсионии 6D.КОА–117 аз рӯйи самти забоншиносӣ ва кори тарҷумонӣ ба фаъолият оғоз намуд. Дар он муҳаққиқон метавонанд дараҷаи илмии доктори фалсафа (PhD), номзади илмҳои филологӣ ва доктори илмҳои филологӣ аз рӯйи ихтисосҳои назарияи забон, забоншиносии типологӣ ва муқобилавӣ, инчунин назария ва амалияи тарҷумаро ҳимоя ва дарёфт намоянд.
Ҳамзамон дар назди донишгоҳ шурои диссертатсионии 6D.КОА–118 аз рӯйи самти адабиётшиносӣ таъсис ёфтааст. Дар он муҳаққиқон метавонанд дараҷаҳои илмии PhD, номзад ва доктори илмҳои филологӣ аз рӯйи ихтисосҳои адабиёти тоҷик, равобити адабӣ, назарияи адабиёт ва сабкшиносиро ҳимоя ва дарёфт намоянд.
Иброз гардид, ки таъсиси ду шурои диссертатсионӣ дар донишгоҳ барои рушди илми тоҷик имконияти нав фароҳам меорад.
«Яке аз иқдоми асосии Ҳукумати Ҷумҳурии Тоҷикистони ташаккул додани илми ватанӣ мебошад. Аз ин рӯ сифати хуби рисолаҳои диссертатсионӣ тавассути ташхиси дурусти диссертатсияҳо ва муҳокимаи комилу муҳокимарониҳои ҷиддӣ дар назди кафедраҳо ба даст меояд», – баён гардид зимни муаррифии шуроҳои диссертатсионӣ.
Таъкид шуд, ки муқарризони расмӣ, муассисаи пешбар, муқарризони ғайрирасмӣ ва дигар чеҳраҳо бояд ба рисолаҳои илмӣ бо нигоҳи таҳқиқ баҳо диҳанд.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
