«КИШВАРИ САБЗ». Соли 2025 дар Тоҷикистон дар беш аз ҳазор гектар ҷангал бунёд карда шуд
ДУШАНБЕ, 04.02.2026 /АМИТ «Ховар»/. Соли 2025 дар ташкилоту муассисаҳои низоми Агентии хоҷагии ҷангали назди Ҳукумати Ҷумҳурии Тоҷикистон корҳои бунёд ва барқароркунии ҷангалзор ва бунёди плантатсияҳо дар майдони умумии 3276,3 гектар иҷро гардид. Аз он бунёди ҷангал 1097,4 гектар, барқароркунии ҷангал 1862,9 гектар ва бунёди плантатсияҳои хуч, писта, чормағз ва дигар намуди дарахтон 316 гектарро ташкил медиҳад. Дар ин хусус имрӯз зимни нишасти матбуотӣ директори Агентии хоҷагии ҷангали назди Ҳукумати Ҷумҳурии Тоҷикистон Абдуҷаббор Юсуфзода ба хабарнигорон иттилоъ дод.
Абдуҷаббор Юсуфзода гуфт, ки инчунин корҳои пурракунии зичии ниҳолҳо дар 1024,5 гектар ва нигоҳубини ҷангал дар 13 182 гектар гузаронида шуда, пешбурди корҳо дар ин самт идома дорад.
Ҳамзамон дар ин давра аз тарафи муассисаҳои давлатии хоҷагиҳои ҷангал ва корхонаҳои воҳиди давлатии хоҷагиҳои ниҳолпарварии низоми Агентӣ ба миқдори зиёда аз 43,4 тонна тухмиҳои дарахту буттаҳои ҳамешасабз, мевадиҳанда, сояафкану ороишӣ ва ҷангалташкилкунанда ҷамъоварӣ карда шуданд.
Бояд тазаккур дод, ки Ҳукумати Ҷумҳурии Тоҷикистон “Барномаи давлатии кабудизоркунӣ барои давраи то соли 2040” қабул намудааст. Дар асоси он дар Тоҷикистон беш аз 2 миллиард бех ниҳоли дарахтони ҳамешасабзу ороишӣ ва сояафкану мевадиҳандаи мутобиқ ба иқлими мамлакат шинонида ва парвариш карда мешавад. Ба ин восита то соли 2040 Тоҷикистон ба «мамлакати сабз» табдил меёбад.
Марзия САИДЗОДА,
АМИТ «Ховар»
АКС: АМИТ «Ховар»
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
Ҳамкории тиҷоратию иқтисодии вилоятҳои Суғд ва Ботканд густариш меёбад
Тоҷикистон ва Муғулистон ҳамкориро дар соҳаи ҳифзи муҳити зист тақвият медиҳанд
НИШАСТИ МАТБУОТӢ. Аз ҳисоби андозҳо ва дигар пардохтҳои ҳатмӣ беш аз 17 миллиард сомонӣ ба буҷети давлатӣ ворид гардид
