Муовини Сарвазири Тоҷикистон бо вазъи корҳои саҳроӣ дар ноҳияи Бобоҷон Ғафуров шинос гардид
ДУШАНБЕ, 06.02.2026 /АМИТ «Ховар»/. Имрӯз ҳайати Ҳукумати Ҷумҳурии Тоҷикистон бо роҳбарии муовини Сарвазири Тоҷикистон Сулаймон Зиёзода бо ҷараёни корҳои саҳроӣ, омодагии пойгоҳҳои обкашӣ ба мавсими обёрии майдонҳои кишти зироат, инчунин раванди кишти картошка ва дигар сабзавоти барвақтӣ дар ноҳияи Бобоҷон Ғафуров шинос гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Бобоҷон Ғафуров иттилоъ медиҳад.
Гурӯҳи корӣ дар навбати аввал бо фаъолияти пойгоҳи обкашии «Хоҷабоқирғон-1» шинос шуд. Сипас дар киштзори хоҷагии ба номи А. Ҷумъаеви ноҳия бо роҳбарияти ноҳия, хоҷагидорон ва мутахассисони соҳаи кишоварзӣ вохӯрӣ анҷом дод. Дар мулоқот қоидаҳои агротехникии кишти барвақтии сабзавот, аҳамияти захиракунии обҳои худҷорӣ барои нигоҳдории намии замин ва дигар масоили муҳими соҳа мавриди баррасӣ қарор гирифтанд.
Аъзои гурӯҳ ҳамчунин дар ин рӯз бо фаъолияти коргоҳи парандапарварии «Чӯҷаи байзо» шинос шуданд.
Гуфта шуд, ки дастуру тавсияҳои пешниҳоднамудаи аъзои гурӯҳи корӣ барои ҳадафнок ба роҳ мондани фаъолияти минбаъдаи кишоварзони ноҳия ва рушди соҳаи кишоварзӣ мусоидати ҳамаҷониба мекунад.
АКС: Мақомоти иҷроияи ҳокимияти давлатии ноҳияи Бобоҷон Ғафуров
Дар Тоҷикистон ҷамъоварии ангур идома дорад
Таҳкими ҳамкорӣ байни Тоҷикистон ва Созмони озуқаворӣ ва кишоварзӣ дар Рим баррасӣ гардид
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
