НИШАСТИ МАТБУОТӢ. Дар неругоҳу марказҳои истеҳсоли барқу гармии ҶСК «Барқи Тоҷик» беш аз 18 миллиард кВт-соат неруи барқ истеҳсол гардид
ДУШАНБЕ, 03.02.2026 /АМИТ «Ховар»/. Ҷамъияти саҳомии кушодаи «Барқи Тоҷик» аз афзоиш ёфтани истеҳсоли неруи барқ дар Тоҷикистон дар соли 2025 иттилоъ медиҳад.
Тавре директори генералии Ҷамъияти саҳомии кушодаи «Барқи Тоҷик» Маҳмадумар Асозода имрӯз, 3 феврал дар нишасти матбуотӣ ба хабарнигорон иттилоъ дод, соли 2025 дар неругоҳҳо ва марказҳои истеҳсоли барқу гармии «Барқи Тоҷик» ҳаҷми истеҳсоли неруи барқ дар маҷмуъ 18 миллиарду 269 миллион кВт-соатро ташкил дод. Ин рақам нисбат ба нақша 673 миллион кВт-соат ё 104 фоиз ва нисбат ба соли 2024 дар ҳаҷми 849 миллион кВт-соат зиёд буда, бо суръати афзоиш ба 105 фоиз баробар аст.
Гуфта шуд, ки неруи барқ дар неругоҳҳои барқи обӣ дар ҳаҷми 16 миллиарду 629 миллион кВт-соат ва дар марказҳои барқу гармидиҳӣ дар ҳаҷми 1 миллиарду 640 миллион кВт-соат истеҳсол карда шудааст.
Дар нишасти матбуотӣ таъкид гардид, ки соли 2025 масрафи неруи барқ барои эҳтиёҷоти худи неругоҳҳо ва марказҳои барқу гармидиҳӣ ба 260,5 миллион кВт-соат ё 1,43 фоизи барқи истеҳсолшуда баробар шудааст.
Марзия САИДЗОДА,
АМИТ «Ховар»
АКС: АМИТ «Ховар»
САРФАИ НЕРУИ БАРҚ МАСЪУЛИЯТИ АХЛОҚИИ ҲАР ЯК ШАҲРВАНД АСТ! Чанд тавсия дар Рӯзи байналмилалии сарфаи энергия
Дар Конфронси байналмилалии телекоммуникатсия се самти афзалиятноки рушди соҳаи алоқаи Тоҷикистон муаррифӣ гардид
РӮЗИ БАЙНАЛМИЛАЛИИ САРФАИ ЭНЕРГИЯ. Истифодаи самараноки неруи барқ яке аз ҳадафҳои муҳими Стратегияи миллии рушди Тоҷикистон аст
Тоҷикистон ва Қазоқистон ҳамкориро дар соҳаи зеҳни сунъӣ густариш медиҳанд
Идоракунии устувори захираҳои обҳои зеризаминӣ дар Тоҷикистон баррасӣ гардид
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
Ҳамкории саноатӣ ва сармоягузории Тоҷикистону Қазоқистон густариш меёбад
Оид ба тақвияти ҳамкории Тоҷикистон ва Қазоқистон дар соҳаи геология Ёддошти тафоҳум оид ба ҳамкорӣ ба имзо расид
Густариши ҳамкории Тоҷикистон ва Чин дар соҳаи меъморию сохтмон баррасӣ гардид
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
