НИШАСТИ МАТБУОТӢ. Гардиши тиҷорати хориҷии Тоҷикистон ба 10 миллиарду 740 миллион доллар расид
ДУШАНБЕ, 12.02.2026 /АМИТ «Ховар»/. Гардиши тиҷорати хориҷии Тоҷикистон соли 2025 ба 10 миллиарду 740 миллион доллар баробар гардид, ки нисбат ба соли 2024 (8 932,5 миллион доллар) 1 миллиарду 807,5 миллион доллар ё 20,2 фоиз зиёд мебошад. Дар ин хусус Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода имрӯз дар нишасти матбуотӣ ба намояндагони воситаҳои ахбори оммаи ватанӣ ва хориҷӣ иттилоъ дод.
Гуфта шуд, ки дар ин давра ба Тоҷикистон дар ҳаҷми 8 миллиарду 295,6 миллион доллар молу маҳсулот ворид карда шуд, ки нисбат ба соли 2024 (6 992,3 миллион доллар) ба маблағи 1 миллиарду 303,3 миллион доллар ё 18,6 фоиз зиёд аст.
Соли 2025 аз Тоҷикистон ба хориҷи мамлакат ба маблағи 2 миллиарду 444,4 миллион доллар маҳсулот содирот гардид, ки нисбат ба соли 2024 (1 940,1 миллион доллар) ба андозаи 504,3 миллион доллар ё 26,0 фоиз афзоиш ёфтааст.
Хуршед Каримзода афзуд, ки дар сохтори умумии гардиши мол ҳиссаи воридот 77,2 фоиз ва содирот 22,8 фоизро ташкил медиҳад.
Дар содироти молҳои ватанӣ вазни қиёсии асосиро маъданҳо ва консентратҳо — 25,3 фоиз ё ин ки 618,0 миллион доллар, сурма ва маҳсулоти он — 20,5 фоиз ё ин ки 450,0 миллион доллар, алюминийи коркарднашуда — 8,5 фоиз ё ин ки 207,8 миллион доллар, нахи пахта — 5,8 фоиз ё ин ки 142,1 миллион доллар, қувваи барқ — 4,0% ё ин ки 97,7 миллион доллар, маҳсулоти меваю сабзавот — 3,1 фоиз ё ин ки 76,1 миллион доллар, ресмони пахтагӣ — 1,0 фоиз ё ин ки 25,0 миллион доллар, семент — 0,7 фоиз ё 16,1 миллион доллар ва пӯст — 0,1 фоиз ё ин ки 2,5 миллион доллар ташкил медиҳанд.
Нисбат ба соли 2024 содироти мол ба кишварҳои Ҳолланд ба маблағи 294,4 миллион доллар, Русия- 144,4 миллион доллар, Чин- 114,4 миллион доллар, Узбекистон- 87,0 миллион доллар, Белгия- 78,8 миллион доллар, Беларус- 1,8 миллион доллар, Қирғизистон- 8,5 миллион доллар афзоиш ёфта, ба давлатҳои Қазоқистон 112,3 миллион доллар, Туркия- 24,8 миллион доллар, Покистон- 5,2 миллион доллар, Аморати Муттаҳидаи Арабӣ- 3,3 миллион доллар ва Эрон 1,7 миллион доллар коҳиш ёфтааст.
Марзия САИДЗОДА,
АМИТ «Ховар»
АКС: АМИТ «Ховар»
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
Татбиқи лоиҳаҳои Бонки исломии рушд дар Тоҷикистон баррасӣ гардид
БА ТАВАҶҶУҲИ РОНАНДАГОН! Набудани бимаи суғурта ва корти ташхиси техникӣ минбаъд тавассути дурбинҳо сабт карда мешавад
Ҳамкории Тоҷикистон ва Олмон дар самти рушди инноватсия ва технологияҳои рақамӣ баррасӣ гардид
