НИШАСТИ МАТБУОТӢ. Маркази «Низоми байналмилалии арзёбии омӯзиши забони тоҷикӣ» таъсис меёбад
ДУШАНБЕ, 03.02.2026 /АМИТ «Ховар»/. Дар Донишгоҳи байналмилалии забонҳои хориҷии Тоҷикистон ба номи Сотим Улуғзода Маркази «Низоми байналмилалии арзёбии омӯзиши забони тоҷикӣ» таъсис дода мешавад. Дар ин хусус 3 феврал ректори ин донишгоҳ Жило Гулназарзода ба хабарнигорон иттилоъ дод.
Ректори донишгоҳ зимни шарҳи фаъолияти марказ иброз дошт, ки ин ташаббус бо такя ба таҷрибаи пешрафтаи байналмилалӣ, аз ҷумла низомҳои эътирофшудаи «TOEFL», «IELTS», «ТРКИ» ва дигар стандартҳо ба роҳ монда мешавад. Донишгоҳ барои таъсиси маркази махсус, таҳияи барномаи арзёбӣ ва муайян намудани меъёрҳои сертификатсияи байналмилалӣ омодагии пурра дорад. Ҳамзамон аз ҷониби Дастгоҳи иҷроияи Президенти Ҷумҳурии Тоҷикистон ба амалисозии ин иқдом иҷозат дода шуда, корҳои ташкилию методӣ расман оғоз гардидаанд.
Дар нишаст иттилоъ дода шуд, ки дар донишгоҳ 184 шаҳрванди хориҷӣ таҳсил менамояд.
Иброз гардид, ки соли 2025 донишгоҳ бо донишгоҳҳо ва созмонҳои бонуфузи ҷаҳонӣ аз давлатҳои Ҳиндустон, Британияи Кабир, Узбекистон, Русия, Қазоқистон ва Иёлоти Муттаҳидаи Амрико 11 ёддошти тафоҳум, созишнома ва шартномаи ҳамкорӣ ба имзо расонид.
«Яке аз дастовардҳои муҳим- ба имзо расидани созишнома бо донишгоҳи Кембриҷ барои таъсиси Маркази байналмилалии тестии «Linguaskill» мебошад. Ин имкон медиҳад, ки сатҳи дониши забони англисӣ мутобиқ ба стандартҳои ҷаҳонӣ арзёбӣ гардад», – иброз дошт Жило Гулназарзода.
Дар донишгоҳ 9 шаҳрванди хориҷӣ аз Ҷумҳурии Мардумии Чин, Италия, Бразилия, Иёлоти Муттаҳидаи Амрико, Ҷопон ва Кореяи Ҷанубӣ ҳамчун шунаванда таҳсил менамоянд. Ҳамзамон 8 омӯзгори хориҷӣ аз Кореяи Ҷанубӣ, Филиппин, Ҳиндустон, Фаронса, Чин ва Ҷопон, инчунин 1 волонтёри маркази «Шоҳ Сеҷонг» дар ин донишгоҳ ба таълими забонҳои хориҷӣ машғул ҳастанд.
Моҳинави НАВРӮЗ,
АМИТ «Ховар»
АКС: АМИТ «Ховар»
Барои масъулини муассисаҳои таҳсилоти миёнаи касбӣ дар самти татбиқи низоми кредитӣ машварат оғоз ёфт
Хатмкунандагони Донишгоҳи техникии Тоҷикистонро ба хизмат дар сафи Қувваҳои Мусаллаҳ гусел намуданд
Дар Донишгоҳи давлатии Бохтар оид ба тағйирёбии иқлим ва таъсири он ба иқтисоди миллӣ ҳамоиш доир шуд
Хонандагони тоҷик дар Олимпиадаи байналмилалии «Brainiacs» 173 ҷойи ифтихориро сазовор шуданд
Фаррух Каримзода дар Олимпиадаи кушоди математикии донишҷӯёни мактабҳои олии ҷаҳон соҳиби медали тилло гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Фирдавсӣ 10 муассисаи томактабӣ бунёд мегардад
Маорифчиёни ноҳияи Шоҳмансур Ҷашни байналмилалии Наврӯзро дар сатҳи баланд таҷлил намуданд
МАСЛИҲАТ БА ДОВТАЛАБ. Ҳангоми интихоби касб довталаб бояд бештар дониш ва истеъдодашро ба назар гирад
Бахшида ба 1050-солагии Робиаи Балхӣ дар Донишгоҳи давлатии Кӯлоб конференсияи илмӣ-назариявӣ доир гардид
Барои пурсамар гузаронидани давраи таътил ба хонандагон мутолиаи кадом китобҳо тавсия дода мешавад?
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
