Тоҷикистон бо Бонки Осиёии Рушд дар самти рақамикунонии фаъолияти гумрукӣ ҳамкориро густариш медиҳад
ДУШАНБЕ, 18.02.2026 /АМИТ «Ховар»/. Густариши ҳамкории Тоҷикистон бо Бонки Осиёии Рушд дар соҳаи гумрук дар мулоқоти муовини Сардори Хадамоти гумруки назди Ҳукумати Ҷумҳурии Тоҷикистон Хуршед Шерализода бо намояндагони Бонки Осиёии Рушд таҳти роҳбарии Анҷум Исрар дар Душанбе баррасӣ гардид, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Дар мулоқот таъкид гардид, ки таҳкими ҳамкории мутақобили судманд бо Бонки Осиёии Рушд яке аз самтҳои афзалиятноки фаъолияти Хадамоти гумрук ба ҳисоб меравад.
Дар ҷараёни мулоқот ҷонибҳо масъалаҳои муҳими марбут ба рақамикунонии фаъолияти гумрукӣ, ҷорӣ намудани технологияҳои муосири иттилоотӣ, рушди хизматрасониҳои электронӣ, такмили низомҳои автоматикунонидаи барасмиятдарории гумрукӣ, содагардонӣ ва тезонидани расмиёти тиҷоратӣ, коҳиш додани монеаҳои маъмурӣ, инчунин мутобиқсозии расмиёти гумрукӣ ба стандартҳои байналмилалиро мавриди баррасии ҳамаҷониба қарор доданд.
Ҳамзамон масъалаҳои тақвияти ҳамкории байналмилалӣ, аз ҷумла рушди ҳамкорӣ бо мақомоти гумрукии дигар давлатҳо ва созмонҳои байналмилалӣ бо мақсади табодули таҷриба, татбиқи таҷрибаҳои пешқадам ва баланд бардоштани иқтидори касбӣ, инчунин устувории инфрасохтори гумрукӣ дар шароити тағйирёбии иқлим баррасӣ гардиданд.
Намояндагони Хадамоти гумрук оид ба корҳои анҷомдода ва нақшаҳои минбаъда дар самти рақамикунонӣ, такмили расмиёти гумрукӣ ва густариши ҳамкории байналмилалӣ маълумоти муфассал пешниҳод намуданд.
Дар анҷом ҷонибҳо аҳаммияти идомаи ҳамкории судмандро таъкид намуда, омодагиро барои татбиқи минбаъдаи лоиҳаҳо ва ташаббусҳои муштарак бо назардошти манфиатҳои миллӣ иброз доштанд.
АКС: Хадамоти гумруки назди Ҳукумати Ҷумҳурии Тоҷикистон
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
