Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
ДУШАНБЕ, 18.02.2026 /АМИТ «Ховар»/. Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд, иттилоъ медиҳад АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон.
Тақвияти ҳамкории Тоҷикистон ва Эрон дар соҳаи саноат дар меҳвари мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир ва Вазири саноат, маъдан ва тиҷорати Ҷумҳурии Исломии Эрон Сайид Муҳаммад Аттабак, ки 17 феврал бо сафари расмӣ ба Тоҷикистон омад, қарор гирифт. Дар мулоқот ҷонибҳо доир ба густариш ва рушди ҳамкории саноатӣ ва тиҷоратӣ, инчунин тақвияти муносибатҳои иқтисодӣ ибрози назар намуданд.
Шералӣ Кабир омодагии Тоҷикистонро барои ҳамкорӣ дар таҷдиди саноати кимиё, содироти пахта ва истифодаи бозори Эрон таъкид кард. Вазири саноат, маъдан ва тиҷорати Эрон омодагии кишварашро барои густариши робитаҳои тиҷоратӣ ва афзоиши ҳаҷми тиҷорат изҳор дошта, имконоти Эронро дар соҳаи истихроҷи маъдан, коркарди маъданҳо, дорусозӣ ва нассоҷӣ иброз дошт.
Вазирони саноати Тоҷикистон ва Эрон зарурати суръат бахшидани татбиқи созишномаҳои бадастомада ва бартараф кардани монеаҳои маъмуриро барои муваффақ гардидан ба натиҷаҳои мушаххас дар самти ҳамкории саноатӣ байни ду давлат таъкид намуданд.
АКС: Вазорати саноат ва технологияҳои нави Ҷумҳурии Тоҷикистон
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
Дурнамои ҳамкорӣ байни Тоҷикистон ва Қатар дар соҳаи саноат баррасӣ гардид
Соли 2027 Тоҷикистон дар Намоишгоҳи байналмилалии боғдории Ҷопон иштирок мекунад
«Барномаи рушди соҳаҳои кирмакпарварӣ ва коркарди пилла барои солҳои 2026–2030» панҷ самтро фаро мегирад
Байни Вазорати молияи Тоҷикистон ва Вазорати иқтисод ва молияи Узбекистон Нақшаи ҳамкорӣ барои солҳои 2026-2027 ба имзо расид
Раиси Бонки миллӣ дар Форуми байналмилалии «Monetary Policy Dialogue – 2026» иштирок намуд
Татбиқи лоиҳаҳои Барномаи рушди СММ ба рушди хизматрасониҳои иҷтимоӣ ва иқтисодӣ мусоидат мекунад
Дар Тоҷикистон беш аз 46 ҳазор гектар ҷуворимакка барои дон кишт карда шудааст
Шурои Гурӯҳи Бонки ҷаҳонӣ марҳилаи дуюми маблағгузории грантии НБО «Роғун»-ро тасдиқ намуд
Ҳайати Тоҷикистон дар ҷаласаи машваратии электорати Гурӯҳи кишварии узви Бонки ҷаҳонӣ ва Хазинаи байналмилалии асъор иштирок намуд
