Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ДУШАНБЕ, 19.03.2026. /АМИТ «Ховар»/. Дар шаҳри Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор шуд, ки дар он масъалаҳои муҳими марбут ба риояи қонунгузорӣ дар самти муомилоти доруҳои психотропӣ мавриди баррасӣ қарор гирифтанд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Кӯлоб иттилоъ медиҳад.
Дар ҷаласа нахуст фаъолияти Шурои ҳамоҳангсозии фаъолияти мақомоти ҳифзи ҳуқуқ дар солҳои 2024–2025 ва се моҳи аввали соли 2026 натиҷагирӣ шуд.
Изҳор гардид, ки аз ҷониби Шуро дар ин давра як зумра чорабиниҳои назаррас амалӣ гардиданд. Аз ҷумла, санҷишҳои муштарак гузаронида шуда, якчанд ҳолатҳои қонуншиканӣ ошкор ва пешгирӣ шуд. Аз ин лиҳоз, риояи қатъии қонунгузории амалкунанда аз ҷониби кормандони сохаи тиб, масъулини дорухонаҳо ва дигар субъектҳои марбута аҳамияти хосса дорад.
Зимни баррасии масъала, таваҷҷуҳи асосӣ ба тартиби дурусти навиштани дорухатҳо равона гардид. Аз ин рӯ, зарур дониста шуд, ки назорат аз болои фаъолияти муассисаҳои тиббӣ пурзӯр гардида, сатҳи масъулияти шахсии табибон баланд бардошта шавад. Ҳамзамон, масъалаи иҷрои талаботи қонунгузорӣ ҳангоми хариду фурӯши доруҳои психотропӣ дар дорухонаҳо мавриди баррасии ҷиддӣ қарор гирифт.
Таъкид гардид, ки фурӯши чунин доруҳо танҳо дар асоси дорухат ва тибқи меъёрҳои муқарраргардида бояд амалӣ гардад. Ҳолатҳои фурӯши ғайриқонунӣ, бе дорухат ё бо вайрон намудани тартиби муқарраргардида ҳамчун қонуншиканӣ арзёбӣ гардида, нисбат ба қонунвайронкунандагон чораҳои лозимӣ амалӣ карда мешаванд.
Дар ҷараёни ҷаласа, инчунин нигаронии ҷиддӣ аз истифодаи доруҳои дорои таъсири психотропӣ аз ҷониби ҷавонон изҳор гардид. Таъкид шуд, ки тамоюли рӯзафзуни истифодаи чунин моддаҳо миёни ҷавонон метавонад ба саломатии онҳо ва амнияти ҷомеа таъсири манфӣ расонад. Аз ин лиҳоз, зарурати пурзӯр намудани корҳои фаҳмондадиҳӣ, тарбиявӣ ва пешгирикунанда дар байни наврасону ҷавонон, ҷалби падару модарон, муассисаҳои таълимӣ ва ҷомеаи шаҳрвандӣ барои пешгирии ин падида муҳим арзёбӣ мешавад.
Дар ҷаласа намояндагони мақомоти ҳифзи ҳуқуқ, тандурустӣ ва дигар ниҳодҳои марбута зимни барассии мавзуи мавриди назар оид ба вазъи кунунӣ, мушкилоти ҷойдошта ва роҳҳои ҳалли онҳо мубодилаи афкор намуданд.
Дар фарҷоми ҷаласа, барои беҳтар намудани вазъ ва баланд бардоштани самаранокии фаъолият як қатор қарорҳои мушаххас қабул карда шуд.
АКС: Мақомоти иҷроияи ҳокимияти давлатии шаҳри Кӯлоб
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
