Иштирокдорони Фестивали дуюми ҷаҳонии «Наврӯзи ҷавонон» бо фаъолияти Агентии обуҳавошиносӣ шинос гардиданд
ДУШАНБЕ, 26.03.2026./АМИТ «Ховар»/. Дар доираи баргузории Фестивали дуюми ҷаҳонии «Наврӯзи ҷавонон» дар Ҷумҳурии Тоҷикистон, намояндагони ҷавонони кишварҳои Созмони ҳамкории Шанхай ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ташриф оварда, бо фаъолияти ин ниҳод аз наздик шинос шуданд.
Тавре АМИТ «Ховар» бо истинод ба Агентии обуҳавошиносии мамлакат иттилоъ медиҳад, меҳмонон аз фаъолияти Стансияи обуҳавосанҷии шаҳри Душанбе, Маркази пешгӯии обуҳавосанҷӣ, Санҷишгоҳи сайёри мушоҳидаи ҳавои атмосферӣ, нақлиёти махсуси корҳои тадқиқотӣ-экспедитсионӣ, таҷҳизот ва сарулибоси махсус барои мушоҳидаи пиряхҳо, захираи барф ва кӯлҳои пиряхӣ шинос гардида, расму нигораҳои табиати нотакрори Тоҷикистонро тамошо намуданд. Инчунин ба меҳмонон оид ба раванди кори ҳаррӯзаи мутахассисони соҳа, истифодаи технологияҳои муосир, усулҳои таҳлил ва ҷамъоварии маълумоти обуҳавошиносӣ аз наздик шинос гардида, доир ба нақши муҳими онҳо дар таъмини амнияти экологӣ ва рушди устувор маълумоти муфассал пешниҳод гардид.
Сипас дар доираи барномаи Фестивали дуюми ҷаҳонии «Наврӯзи ҷавонон» дар мавзуи «Тағйирёбии иқлим ва фаъолияти ҷавонон: пешбурди амалиёти минтақавӣ дар кишварҳои Созмони ҳамкории Шанхай» бо иштироки васеи меҳмонон ва кормандони Агентӣ ҳамоиш баргузор гардид, ки дар он масълааҳои марбут ба раванди тағйирёбии иқлим баррасӣ шуд.
Фестивали дуюми ҷаҳонии «Наврӯзи ҷавонон» рамзи навсозӣ, ҳамбастагӣ ва сулҳи байни миллатҳо арзёбӣ мегардад. Ҳадафи асосии он муттаҳид сохтани ҷавонони ҷаҳон дар асоси арзишҳои умумӣ — сулҳ, дӯстӣ, гуногунии фарҳангӣ ва рушди устувор мебошад.
Чорабинӣ барои густариши муколамаи фарҳангӣ, табодули афкор ва тақвияти ҳамдигарфаҳмӣ байни ҷавонони кишварҳои гуногун замина фароҳам оварда, барои пешниҳоди ташаббусҳои ҷавонон фазои мусоид муҳайё месозад. Ин ташаббусҳо ба ҳалли мушкилоти муҳими ҷаҳони муосир, аз ҷумла мубориза бо тағйирёбии иқлим, тавассути фаъолияти ҷамъиятӣ, иштироки фаъол дар таҳияи сиёсат ва рушди ҳамкории минтақавӣ равона гардидаанд.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
РУШДИ ҲУНАРҲОИ МАРДУМӢ. Сабадбофӣ барои рушди иқтисод ва сайёҳӣ имкон фароҳам меорад
200 зани ҳунарманд ва соҳибкори Тоҷикистон соҳиби гранти президентӣ мегардад
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
Ҷашни Наврӯз дар Агентии суғуртаи иҷтимоӣ ва нафақа таҷлил карда шуд
ГИЁҲҲОИ БАҲОРӢ. Истеъмоли ин растаниҳо дар бадани инсон ба сифати маводи зиддисироятӣ хизмат менамояд
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
