Дар панҷ ноҳияи вилояти Хатлон ҷамъоварии пиёзи барвақтӣ оғоз гардид
ДУШАНБЕ, 21.04.2026. /АМИТ «Ховар»/. Кишоварзони панҷ ноҳияи вилояти Хатлон ҷамъоварии пиёзи барварқтиро оғоз намуданд. Дар айни замон бозорҳои истеъмолии мамлакат бо маҳсулоти тару тозаи кишоварзӣ таъмин гардидаанд.
Тавре сардори Сарраёсати кишоварзии вилояти Хатлон Баҳодур Ҳасанзода иброз намуд, дар ноҳияҳои Ҷайҳун, Қубодиён, Дӯстӣ, Носири Хусрав ва Панҷ кишоварзон ба ҷамъоварии пиёзи барвақтӣ машғул мебошанд.
Истифодаи самараноки замин ва сари вақт иҷро намудани корҳои агрохетникӣ боис гардид, ки кишоварзони шаҳру ноҳияҳои вилояти Хатлон имсол ҷамъоварии пиёз ва картошкаро барвақттар оғоз намоянд. Дар айни замон бо мақсади таъмини аҳолии Тоҷикистон бо ин маҳсулоти кишоварзӣ ва паст кардани нархи он дар бозори дохилӣ он ба фурӯш бароварда шудааст.
Тавре аз Мақомоти иҷроияи ҳокимияти давлатии ноҳияи Ҷайҳун иттилоъ доданд, соли равон хоҷагидорони ноҳия дар 1876 гектар пиёз кишт намудаанд. Дар айни замон 1300 гектар пиёзи барвақтиро ҷамъоварӣ намудаанд.
Кишоварзони вилояти Хатлон солҳои охир картошкаро дар зери плёнка кишт менамоянд. Хоҷагидорони ноҳияи Дӯстӣ ба чамъоварии картошкаи барвақтӣ оғоз намудаанд.
Ёдовар мешавем, ки кишоварзони вилоят пиёзро дар ду мавсим ҷамъоварӣ менамоянд: пиёзи барвақтӣ ва тирамоҳӣ. Ҷамъоварии пиёзи тирамоҳӣ ба моҳи октябр рост меояд.
Минтақаи вилояти Хатлон барои парвариши маҳсулоти кишоварзии барвақтӣ созгор мебошад. Аз ин рӯ кишоварзон аз ин имконот ба таври васеъ истифода карда, дар ҳамкорӣ бо олимону мутахассисони соҳа дар таъмини амнияти озуқавории мамлакат ҳиссаи арзанда мегузоранд.
Тавре олимони Академияи илмҳои кишоварзӣ тавсия медиҳанд, пиёзи аввали баҳор киштшуда моҳи сентябр пухта мерасад ва тамоми зимистон нағз меистад. Пиёзе, ки моҳи сентябр ва аввали октябр ҷамъоварӣ мегардад, барои захира намудан хеле созгор аст.
АКС: АМИТ «Ховар»
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
Дар Брюссел ҳамкории Тоҷикистон ва Белгия дар соҳаи андоз баррасӣ гардид
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Дар Конфронси ФАО дар Душанбе тағйирёбии иқлим, аз байн рафтани гуногунии биологӣ ва вайроншавии замин баррасӣ шуд
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
Жанна Исина: «Баргузории конфронси сатҳи баланд дар Душанбе мавқеи байналмилалии Тоҷикистонро тақвият медиҳад»
Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
Беш аз 8 миллиард доллар сармоягузорӣ: натиҷаҳои мулоқоти Пешвои миллат Эмомалӣ Раҳмон бо роҳбарони ширкатҳои Чин дар Пекин
