««Намунаи адабиёти тоҷик»-падидаи таърихӣ-фарҳангӣ дар тамаддуни мардумони Осиёи Марказӣ» дар нашриёти «Дониш» чоп шуд
ДУШАНБЕ, 10.04.2026./АМИТ «Ховар»/. Бахшида ба 100-солагии нашри «Намунаи адабиёти тоҷик»-и поягузори адабиёти муосири тоҷик устод Садриддин Айнӣ бо ташаббуси Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон китоби ««Намунаи адабиёти тоҷик»-падидаи таърихӣ-фарҳангӣ дар тамаддуни мардумони Осиёи Марказӣ» аз чоп баромад, иттилоъ медиҳад АМИТ «Ховар».
Китоби ««Намунаи адабиёти тоҷик»-падидаи таърихӣ-фарҳангӣ дар тамаддуни мардумони Осиёи Марказӣ» дар нашриёти «Дониш»-и Академияи миллии илмҳои Тоҷикистон бо забонҳои тоҷикӣ, русӣ ва англисӣ чоп шудааст.
Ба ҳайати муҳаррирони китоб олимону донишмандони шинохтаи тоҷик- Қобилҷон Хушвақтзода, Абдуҷаббор Раҳмонзода, Акбар Турсон, Кароматулло Олимов, Саймумин Ятимов, Эраҷ Баширӣ, Масъуд Миршоҳӣ, Муҳаммаддовуд Саломиён, Аскаралӣ Раҷабов, Ҳасан Султон, Аҳмадхон Муродзода ва Комилҷон Раҳимов дохил мешаванд. Дар ин таҳқиқоти дастҷамъона нахустин бор дар маҷмуъ масоили таърихӣ-адабӣ ва фарҳангӣ, ки фарогири падидаи бузурги таърихӣ, адабию илмиянд, ба риштаи таҳқиқ кашида шудаанд.
Дар пешгуфтори китоби ««Намунаи адабиёти тоҷик»-падидаи таърихӣ-фарҳангӣ дар тамаддуни мардумони Осиёи Марказӣ» омадааст, ки таҳқиқи масоили консептуалии таърих ва инъикоси воқеияти таърихӣ, пажӯҳиши методологии инъикоси раванди таърихӣ ва меросбарии фарҳангӣ корномаи симоҳои таърихӣ ва фарҳангӣ мебошад. Нақши сарчашмаҳои хаттӣ дар омӯзишу шинохти чеҳраҳои адабӣ, илмӣ, таърихӣ, фарҳангӣ ва идомаи анъанаи меросбарии фарҳангӣ, мактаб, мероси Аҳмад Махдуми Дониш (1827- 1897) дар ташаккули воқеъиятнигории таърихӣ, адабию илмӣ ва ташаккули шахсият, моҳияти иҷтимоӣ-фалсафӣ, бадеӣ-эсттетикӣ аз мавзуъҳоест, ки ба фаъолияти адабию илмии поягузори адабиёти навини тоҷик, аввалин Президенти Академияи илмҳои Тоҷикистон, Қаҳрамони Тоҷикистон Садриддин Айнӣ (1878-1954) иртиботи ногусастанӣ дорад.
Корномаи илмӣ-адабӣ ва ҷамъиятии устод Айнӣ аз саҳифаҳои рангини таърихи садаи ХХ Тоҷикистон аст. Аз ҷумла, асари таърихӣ- адабии устод Садриддин Айнӣ «Намунаи адабиёти тоҷик» падидаи бузург на танҳо дар тамаддуни тоҷикон, инчунин хориқа –феномени камназири мардумони Осиёи Марказӣ мебошад, ки 100 сол муқаддам- соли 1926 нашр гардидааст.
Марзия САИДЗОДА,
АМИТ «Ховар»
АКС: АМИТ «Ховар»
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
