ТАҚВИМИ АМИТ «ХОВАР»: имрӯз 25 сентябр, ҷумъа, 268-умин рӯзи соли 2026 аст

25 сентябри соли 2008 дар Иёлоти Муттаҳидаи Амрико Президенти Ҷумҳурии Тоҷикистон муҳтарам Эмомалӣ Раҳмон дар мулоқоти махсуси сатҳи олӣ дар мавзуи «Об ва беҳдошти санитарӣ барои ҳамагон» суханронӣ намуданд.

***

25 сентябри соли 2008 дар Иёлоти Муттаҳидаи Амрико Президенти Ҷумҳурии Тоҷикистон муҳтарам Эмомалӣ Раҳмон бо Директори генералии ЮНЕСКО,  Шоҳзодаи Нидерланд  ва муовини Котиби давлатии Иёлоти Муттаҳидаи Америка мулоқот анҷом доданд.

***

 25 сентябри соли 2020 Президенти Ҷумҳурии Тоҷикистон  муҳтарам Эмомалӣ Раҳмон бо роҳбарону фаъолон ва сокинони ноҳияи Ховалинг мулоқоти самимӣ доир  намуданд.

25 СЕНТЯБР ТАҶЛИЛ КАРДА МЕШАВАД:

Рӯзи ҷаҳонии дорусозӣ

***

Дар Мозамбик – Рӯзи қувваҳои мусаллаҳ.

РӮЙДОДҲО:

25 сентябри соли 2024 дар доираи нахустин Намоишгоҳи байналмилалии сайёҳии Душанбе-2024 («Dushanbe International Tourism Exhibition – DITE 2024) Форуми байналмилалии сайёҳии Душанбе таҳти унвони «Ҳамгироии шаҳрҳо дар татбиқи имкониятҳои сайёҳии устувор»  баргузор гардид.

***

26 сентябри соли 2025 дар шаҳри Москва ҷаласаи 21-уми Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодӣ бо иштироки Сарвазири Ҷумҳурии Тоҷикистон Қоҳир Расулзода ва муовини Раиси Ҳукумати Русия Марат Хуснуллин баргузор шуд.

***

25 сентябри соли 2025 дар шаҳри Тошканд ҷаласаи 6-уми прокурорҳои генералии давлатҳои   аъзои Созмони ҳамкории иқтисодӣ баргузор гардид, ки дар  он ҳайати Прокуратураи генералии Ҷумҳурии Тоҷикистон таҳти роҳбарии Прокурори генералии Ҷумҳурии Тоҷикистон Ҳабибулло Воҳидзода иштирок намуд.

***

25 сентябри соли 2006  дар шаҳри Душанбе ба муносибати 10- солагии таъсиси Донишгоҳи (славянии) Русияву Тоҷикистон ҷамъомади идона баргузор гардид.

***

Дар ин рӯзи соли 2012 дар ноҳияи Данғара Мактаби президентӣ барои хонандагони болаёқат ифтитоҳ гардид.

***

25 сентябри соли 2013 дар маркази маъмурии ноҳияи Рашт муҷассамаи асосгузори давлати тоҷикон- Шоҳ Исмоили Сомонӣ гузошта шуд.

ИНЧУНИН ДАР ИН РӮЗ…

Соли 1939 дар Олмон барои фурӯши нон ва орд меъёр муайян карда шуд.

***

Соли 1991 Иёлоти Муттаҳидаи Амрико қарор дар бораи манъи интиқоли аслиҳа ба Югославияро маъқул донист.

***

Соли 1818 табиби англис Ҷеймс Бланделл аввалин маротиба дар таърихи ҷаҳон амалиёти хунгузарониро аз як нафар ба нафари дигар анҷом дод.

***

Соли 1996 дар Русия аввалин нашриёти мусиқавии «СОЮЗ» рӯнамоӣ шуд.

***

Соли 2017  ТАСС хабар дод, ки дастаи Тоҷикистон ғолиби аввалин Чемпионати ғайрирасмии ҷаҳон оид ба футбол байни дастаҳои сафоратҳо дар шаҳри Москва гардид.